Hoho‘a video: Te vai nei ta‘u opuaraa

Peresideni Thomas S. Monson : « Faahou â, e to‘u mau tuahine apî, noa’tu e e vai noa mai te mau tamataraa i roto i te ao nei, e mea taa ê mau taua mau tamararaa ra e rave rahi i teie mahana ta outou e faaruru ».¹

Elaine S. Dalton, peresideni rahi na te Feia Apî Tamahine : « Ia nehenehe ia vai viivii-ore noa, e mea ti‘a ïa ia outou ia vai parau-ti‘a noa i to outou ti‘araa mo‘a e ia faati‘a i te mau hoho‘a no te mana‘o e no te haaapa‘o niuhia i ni‘a i te mai ti‘araa teitei i te pae morare ».²

Peresideni Henry B. Eyring, tauturu matamua i roto i te Peresideniraa Matmaua : « Te pure nei au ma to‘u aau atoa ia faarahihia to outou faaroo e tamahine outou no te hoê Atua here ».³

Mary N. Cook, tauturu matamua i roto i te peresideniraa rahi o te Feia Apî Tamahine : « Outou, e to‘u mau feia apî tamahine here e, ua oti a‘e na outou i te rave i te mau ma‘itiraa maitai e rave rahi. I teie nei, a haamau i te mau haere‘a paieti o te tape‘a ia outou i ni‘a i teie e‘a e i roto i to outou oraraa taatoa ».⁴

Peresideni Dieter F. Uchtdorf, tauturu piti i roto i te Peresideniraa Matamua : « E te mau tuahine, a ti‘aturi i te Varua. Ia haapa‘o ana‘e outou i te mau horo‘araa atoa o to outou oraraa i te mau mahana atoa, e ia poiete i te hoê mea nehenehe e te faufaa, aita ïa outou e haamaitai noa ra i te ao ati a‘e ia outou nei ».⁵

Ann M. Dibb, tauturu piti i roto i te peresideniraa rahi o te Feia Apî tamahine : « Te mau mea iti e te ohia o ta outou e ma‘iti i te rave i teie mahana e riro ïa i te rahi e ei mau haamaitairaa hanahana no ananahi ».⁶

Elaine S. Dalton, peresideni rahi no te Feia Apî Tamahine : « E nehenehe anei ta te hoê tamahine apî parau-ti‘a e taui i te ao nei ? Na te mau mea tamau ta outou e rave nei e haapuai ia outou ia riro ei hoê faatere, hoê hoho‘a – te pure, te tai‘oraa i te papa‘iraa mo‘a, te haapa‘oraa, te taviniraa ia vetahi ê i te mahana atoa. A rave ai outou i teie mau mea, e tupu apiti atu outou e te Faaora e e riro outou mai Ia’na te huru ».⁷

Peresideni Thomas S. Monson : « E to‘u mau hoa taure‘are‘a e, ia puai noa… Ua ite outou e eaha te mea maitai e te mea ino ; e aita roa faaamuamuraa, noa’tu to’na aminamina, e nehenehe e taui i taua parau mau. Mai te mea e, e tura‘i to outou mau hoa ia outou ia rave i te hoê mea ta outou i ite e, e mea ino a ti‘a parau ti‘a noa, noa’tu o outou ana‘e ».⁸