Elder Patrick Kearon

A ora ai oia i Californie no te tahi maa taime iti, ua faaea o Elder Patrick Kearon i roto i te hoê utuafare Feia Mo‘a « maitai roa » te i faaite mai ia’na i te evanelia.

E piti matahiti i muri iho, i to’na ho‘iraa mai i Peretane, ua farerei oia i te mau misionare i ni‘a i te hoê purumu no Lonedona e ua haamata a‘era oia i te tuatapapa i ni‘a i te Ekalesia. Ua tai‘o a‘era oia i te hoê irava i roto i te Buka a Moromona tei na ô mai e, « Te vai nei te mau taata ia noaa to ratou oaoa » (2 Nephi 2:25). Ua vai noa te reira irava i roto ia’na a haamana‘o ai oia i te oaoa i roto i te fare o taua utuafare Feia Mo‘a i te mau Mahana Hopea nei e i roto i te oraraa o te mau misionare e haapii nei ia’na.

« Ua haamana‘o tamau noa vau i taua irava ra », te na reira ra o Elder Kearon. « I roto i te oraraa o te mau taata ta‘u i farerei, ua ite au i te faufaa e roaa i to tatou oraraa na roto i te peeraa i te a‘oraa a te Faaora ia faaitoito ».

Mai te taime a tomo mai ai oia i roto i te Ekalesia i te 24 no titema 1987, ua hopoi mai o Elder Kearon i taua itoito ra i roto i te mau piiraa e rave rahi, mai te piiraa peresideni no te Feia Apî Tamaroa o te paroita, tauturu no te episekopo, e peresideni amaa, e peresideni tĭtĭ, e e Hitu Ahuru Area.

Ei melo pii-apî-hia no te Pŭpŭ matamua o te Hitu Ahuru, ua parau oia e, ua « faaitoito noa vau ia arata‘ihia vau na te mau parau tumu o te Ekalesia. Ua ite au e na roto i te haapa‘oraa i taua mau parau tumu ra e tauihia te oraraa ».

Ua fanauhia o Elder Kearon i Carlisle, Cumberland, Peretane i te ava‘e tiurai 1961, na Paddy e o Patricia Kearon. No te mea te tavini ra to’na papa i roto i te Nuu Reva no Peretan, ua haere o Elder Kearon i te haapiiraa i Middle East e i Peretane.

Ua farerei oia ia Jennifer Carole Hulme a haere teie tamahine i te haapiiraa i England with Brigham Young University. Ua faaipoipohia raua i roto i te Hiero no Okland Californie i te matahiti 1991. E maha ta raua tamarii, ua pohe râ hoê.

Ua ora o Elder Kearon e ua rave i te ohipa i United Kingdom, Saudi Arabia, e i Marite i roto i te mau fare ohiparaa, mai te poritita, te utuuturaa i te ea, e te vahi hamaniraa pereoo auahi. Hou a piihia ai oia, te haapa‘o ra o Elder e te tuahine Kearon i te hoê taiete aparauraa i Peretane.