“Teangumu naMoronai,” Nyaya dzemuBhuku raMormoni (2023)
Teangumu naMoronai
Kuratidza ushingi hukuru
Mushure mokunge Amarikia afa, Amoroni akava mambo wavaRamani. Amoroni akaramba achirwa navaNifai. Hondo yakaenderera kwemakore. VaNifai vakatanga kukunda, saka mauto ose echiRamani akatizira kuguta rimwechete. Moronai, Teangumu, nemumwe kaputeni wechiNifai vakafora vachitevera vaRamani nemauto avo.
Aruma 52:3–4; 54:16–24; 62:12–35
Teangumu aiva akashatirwa kuti Amarikia naAmoroni vakanga vakonzera hondo huru uye refu iyi. Nokuda kwehondo, vanhu vakawanda vakanga vafa uye kwaiva nezvokudya zvishomanana. Teangumu aida kugumisa hondo. Akaenda muguta pausiku kunotsvaga Amoroni.
Teangumu akakwira napamusoro perusvingo rweguta. Akaenda kunzvimbo nenzvimbo muguta kusvikira awana uko Amoroni kwaaiva akarara.
Teangumu akakandira pfumo kuna Amoroni. Rakamubaya pedyo nemwoyo. Asi Amoroni akamutsa varanda vake asati afa.
Varanda vaAmoroni vakadzingirira Teangumu uye vakamuuraya. Vamwe vatungamiri vechiNifai vakasuwa zvikuru nekufa kwaTeangumu. Akanga arwira rusununguko rwavanhu vake zvine ushingi.
Kunyange zvazvo akafa, Teangumu akanga abatsira VaNifai kukunda muhondo yacho. Akanga aita kuti vaRamani varasikirwe nemutungamiri wavo. Mangwanani akatevera, Moronai akarwa navaRamani uye akakunda. VaRamani vakabuda munyika yevaNifai, uye hondo yacho yakapera.
Pokupedzisira kwaiva nerunyararo. Moronai akashanda nesimba kuti nyika yavaNifai kuita kuti nyika yavaNifai ive yakanyanya kuchengeteka kubva kuvaRamani, Zvino Moronai akaenda kumusha kunogara murunyararo. Vaporofita vakadzidzisa vhangeri uye vakatumgamira Chechi yaMwari. Vanhu vakavimba muna Ishe, uye Ishe vakavaropafadza.