Laumālie Māʻoniʻoní

Te ke ala toe vakaiʻi ha niʻihi ʻo e ngaahi potufolofola ʻoku nau fakamamafaʻi ha ngaahi founga lahi ʻe lava ke ʻomi ai koe ʻe he Laumālie Māʻoniʻoní ke ofi ange ki he ʻOtuá. Ko e Laumālie Māʻoniʻoní:

• Fakamoʻoni ki he Tamaí mo e ʻAló (vakai, Sione 15:26; 3 Nīfai 11:32, 36).

• Fakamāʻoniʻoniʻi mo fakamaʻa (vakai, ʻAlamā 13:10–12; 3 Nīfai 27:19–20; Molonai 6:4).

• Fakahā mo fakamoʻoni ki he moʻoní (vakai, 2 Nīfai 32:4–5; ʻAlamā 5:46–47; Tokāteline mo e Ngaahi Fuakava 8:2–3).

• Fakafiemālié (vakai, Sione 14:16–17, 26; Molonai 8:26; Tokāteline mo e Ngaahi Fuakava 36:2).

• Fakaʻatā mo fakapapauʻi ko e Laumālie Māʻoniʻoni ʻo e Talaʻofa (vakai, ʻEfesō 1:13–14; Tokāteline mo e Ngaahi Fuakava 88:3–4; 132:7).

Naʻe pehē ʻe Palesiteni Uilifooti Utalafi, “Kapau te ke ma‘u ‘a e Laumālie Mā‘oni‘oní … ‘oku ‘ikai ha me‘a-foaki ‘e toe ma‘ongo‘onga ange, ‘oku ‘ikai ha tāpuaki ‘e ma‘ongo‘onga ange, ‘oku ‘ikai ha to e fakamo‘oni ‘e ma‘ongo‘onga ange kuo foaki ki ha tangata he māmaní.”¹ Ko e founga mahuʻinga ʻe taha te ke lava ai ʻo feinga ke ongoʻi maʻu pē ʻa e Laumālie Māʻoniʻoní ko e taimi ʻokú ke maʻu ai ʻi he tuʻunga taau ʻa e sākalamēnití (vakai, Tokāteline mo e Ngaahi Fuakava 20:77, 79). Fakakaukau ke ke hiki ha lisi ʻo e ngaahi founga kuo hoko ai ʻa e Laumālie Māʻoniʻoní ko ha tāpuaki kiate koe. Ko e hā te ke ala fai ke teuteu ke maʻu ha fakamoʻoni lahi ange mei he Laumālie Māʻoniʻoní?

Kuó ke fifili nai pe kuó ke fanongo nai ki he leʻo ʻo e Laumālié? Te ke lava ʻo lau e ngaahi potufolofola ko ʻení ke to e vakaiʻi e ngaahi founga ʻe lava ke fakahā ai ʻe he Laumālie Māʻoniʻoní ia kiate koé: 1 Ngaahi Tuʻi 19:11–12; Luke 24:30–32; Kalētia 5:22–23; Hilamani 5:30; Tokāteline mo e Ngaahi Fuakava 6:22–23; 8:2–3; 11:11–14.

Naʻe fakahaofi e moʻui ʻa Lolenisou Sinoú koeʻuhí he naʻe tataki hono ngaahi kaungāmeʻá ʻe he Laumālie Māʻoniʻoní. Lau ʻa e talanoa ʻoku maʻu ʻi he Ngaahi Akonaki ʻa e Kau Palesiteni ʻo e Siasí: Lolenisou Sinou pea aleaʻi ʻa e ʻuhinga naʻe lava ai hono ngaahi kaungāmeʻá ʻo ʻiloʻi mo muimui ki he ngaahi ueʻi ʻa e Laumālie Māʻoniʻoní.² Ko e fē ha taimi kuó ke aʻusia ai ha maluʻi fakalangi mo ha tokoni naʻe fakahoko ʻo fakafou ʻi he ngaahi ueʻi mo e ngaahi ongo mei he Laumālie Māʻoniʻoní?

Gary E. Stevenson, “ʻE Tokoniʻi Fēfē Koe ʻe he Laumālie Māʻoniʻoní?,” Liahona, Mē 2017, 117–20

Kevin R. Duncan, “The Sacred Roles of the Holy Ghost,” Ensign, Oct. 2014, 62–65

Ko e founga ʻe taha ʻoku tau ako ai ʻa e moʻoní ʻi he Laumālié ko e taimi ʻoku lea ai ʻa e kau palōfitá mo e kau ʻaposetoló ʻi he ivi ʻo e Laumālie Māʻoniʻoní (vakai, Tokāteline mo e Ngaahi Fuakava 68:3–4). Ko e hā ʻoku mahuʻinga ai ke fakafanongo mo tokanga ki he ngaahi pōpoaki naʻe fai ʻe he kau palōfitá mo e kau ʻaposetoló? ʻOku talaʻofa mai foki ʻa e ʻEikí ke fakamālohia hoʻo ngaahi leá ʻaki ʻa e Laumālie Māʻoniʻoní ʻi he taimi ʻokú ke fai ai e ngāue ʻa e ʻEikí (vakai, Tokāteline mo e Ngaahi Fuakava 100:5–8).

Naʻe malanga ʻa ʻEletā Tēvita F. ʻEvani “Ko Hono Moʻoni ʻo e Meʻa Kotoa Peé,” naʻá ne vahevahe ha ngaahi founga mahuʻinga te ke lava ʻo ʻiloʻi ai ʻiate koe pē ʻa e moʻoní.⁴ Ko e fē ha taimi kuó ke muimui ai ʻi he sīpinga ko ʻení ʻo kumi ki he moʻoní mei he Laumālie Māʻoniʻoní?

Te mou ala aleaʻi ha founga kuo tākiekina ai kimoutolu ʻi hoʻomou fakafanongo pe lau e ngaahi pōpoaki ʻo e konifelenisi lahí. Naʻe palōmesi ʻa Palesiteni Lāsolo M. Nalesoni ʻe “tokoni ʻa e Laumālie Māʻoniʻoní” “ke mou ongoʻi e meʻa ʻoku finangalo e ʻEikí ke mou ongoʻi” he lolotonga ʻo e konifelenisi lahí.⁵ Ko e hā ha ngaahi founga te ke lava ai ʻo teuteu ke ako mei he Laumālie Māʻoniʻoní ʻi hoʻo fakafanongo pe ako e ngaahi pōpoaki ʻo e konifelenisi lahí?

Sione 16:13–14; 1 Nīfai 2:16–17; 2 Nīfai 33:1

Mathias Held, “Fekumi ki he ʻIló ʻo fakafou ʻi he Laumālié,” Liahona, Mē 2019, 31–33