ʻAho Sāpaté

Mamata ʻi he vitiō meia ʻEletā Sefilī R. Hōlani ko e “Upon My Holy Day—Rest and Renewal” (1:26). ʻOku poupouʻi kitautolu ʻe ʻEletā Hōlani ke tau fai ha ngaahi meʻa ʻi he ʻaho Sāpaté ʻo kehe mei he meʻa ʻoku tau fai ʻi he ngaahi ʻaho kehé. Ko e hā ha ngaahi ongo kuó ke maʻu fekauʻaki mo hono fakaʻapaʻapaʻi ʻo e ʻaho Sāpaté mo hono tauhi ia ke māʻoniʻoní?

Lau fakataha ʻa e fakamatala ʻa ʻEletā Kuenitini L. Kuki fekauʻaki mo e kau atu ki ha ʻAho Tapu Faka-Siu, pe Sāpaté, ʻi he “Tuha mo Taau mo Pilisitolo: Moʻui Taau mo e Temipalé—ʻi he Faingamālié mo e Faingatāmakí.”³ Fakaafeʻi ʻa e kau mēmipa ʻo e kulupú ke nau talanoa fekauʻaki mo e ngaahi fehuʻi ko ʻení: Naʻe tāpuekina fēfē nai ʻe he fakaʻapaʻapaʻi ʻo e ʻaho Sāpaté ʻa e ngaahi kaungāmeʻa ʻo ʻEletā Kukí? Naʻe hoko fēfē nai ʻa e Sāpaté ko ha “meʻa fakafiefia” kiate kinautolú?

ʻEkesōtosi 20:8; 31:13, 16–17; Mōsaia 13:16–19; Mōsese 3:1–3

“The Sabbath Is a Delight” (vitiō), ChurchofJesusChrist.org

“The Sabbath Is a Delight” (vitiō), Gospel Library

Henry B. Eyring, “Manatu Maʻu Ai Pē Kiate Ia,” Liahona, Fēpueli 2018, 4–5

David A. Bednar, “Ngaahi Talaʻofa Lahi ʻAupito mo Mahuʻinga,” Liahona, Nōvema 2017, 90–93

M. Russell Ballard, “Ko e Ongoongolelei Moʻoni, Haohaoa, mo Mahinongofua ʻo Sīsū Kalaisí,” Liahona, Mē 2019, 28–30

Lau ʻa e ngaahi fakamatala ko ʻeni ki hono fakaʻapaʻapaʻi ʻe he Fakamoʻuí ʻa e ʻaho Sāpaté: Sione 5:2–15; Luke 13:11–17; 14:1–6. Naʻe tāpuekina fēfē nai ʻa e kakai ʻi he ngaahi fakamatala ko ʻení ʻe he ngāue ʻa e Fakamoʻuí? Naʻe folofola ʻa Sīsū ʻi ha potufolofola ʻe taha, “Ko ia ʻoku ngofua ke fai lelei ʻi he ʻaho Sāpaté” (Mātiu 12:12). ʻOkú ke pehē ʻoku ʻuhinga ki he hā ʻa e “fai lelei” ʻi he ʻaho Sāpaté?

Te ke muimui fēfē nai ki he sīpinga ʻa Sīsuú ke ngāue fakaetauhi ki he niʻihi kehé ʻi he ʻaho Sāpaté?

Sio fakakulupu ʻi he foʻi vitiō “Gratitude on the Sabbath Day” (3:39). Talanoa fekauʻaki mo ha ngaahi founga ʻe lava ke tau fakahaaʻi ai ʻetau fakamālōʻia mo e houngaʻia ʻia Sīsū Kalaisi ʻi he ʻaho Sāpaté. Ko e hā ʻa e fehokotaki ʻi hono tauhi ʻo e ʻaho Sāpaté ke māʻoniʻoní mo e ongoʻi houngaʻia ʻi he ngaahi tāpuaki ʻa e ʻOtuá?

James E. Talmage, Jesus the Christ (1916), 203–16

Dallin H. Oaks, “Houalotu Sākalamēnití mo e Sākalamēnití,” Liahona,Nōvema 2008, 17–20

David A. Bednar, “Ngaahi Talaʻofa Lahi ʻAupito mo Mahuʻinga,” Liahona, Nōvema 2017, 90–93

Ko e kau ko ia ki he houalotu sākalamēnití ko ha founga mahuʻingamālie ia ke fakatefito ai hoʻo moʻuí ʻia Sīsū Kalaisi pea tupulaki ʻi he mālohi fakalaumālié. ʻI he taimi ʻoku tau mālohi fakalaumālie aí, ʻoku tau mateuteu lelei ange ai ke fakaʻehiʻehi mo ikunaʻi ʻa e ʻahiʻahí. Kuo tokoniʻi fēfē nai koe ʻi hono tauhi ʻa e ʻaho Sāpaté ke māʻoniʻoní mo e kau ʻi he houalotu sākalamēnití ʻi hoʻo feinga ke ke nofo “taʻe-ha-mele mei he māmaní”?

Toe vakai‘i ʻa e folofola ‘a e ʻEikí fekauʻaki mo e ʻaho Sāpaté ʻoku maʻu ʻi he Tokāteline mo e Ngaahi Fuakava 59:9–15. Naʻe vahevahe ʻe Palesiteni M. Lāsolo Pālati ʻo kau ki he potufolofola ko ʻení, “Kātaki ʻo fakakaukau ki ha niʻihi ʻo e ngaahi foʻi lea mahuʻinga ʻi he fakahā ko ʻení: nēkeneka, fiefia, fakafetaʻi, loto-fiefia, loto-vekeveke, mo e fofonga malimali. Hangē kiate au ʻoku totonu ke ʻomi ʻe hono tauhi ʻo e ʻaho Sāpaté ha fiefia kiate kitautolu.”⁵ Ko e fē ha taimi kuó ke aʻusia ai ʻa e faʻahinga ongo ko ʻení ʻi he Sāpaté? Ko e hā te ke lava ʻo fai ke hoko ai hoʻo moihū ʻi he ʻaho Sāpaté ko ha aʻusia fakafiefiá?

Mamata ʻi he vitiō ko e “Is There a Place for Me?” (3:59). Talanoa fekauʻaki mo e mahuʻinga ʻo hono tokoniʻi ʻo e niʻihi kehé ke nau ongoʻi ʻoku nau kau ki honau haʻofanga lotú. ʻE fakatupulaki fēfē nai ʻe hoʻo ngaahi feinga ke tokoniʻi ʻa e niʻihi kehé ke nau ongoʻi ʻoku nau kau atú, ʻa hoʻo ongoʻi ʻo e moihū ʻi he ʻaho Sāpaté?

ʻIsaia 58:13–14

Russell M. Nelson, “ʻOku Fakafiefia ʻa e ʻAho Sāpaté,” Liahona, Mē 2015, 129–32

Dallin H. Oaks, “Houalotu Sākalamēnití mo e Sākalamēnití,” Liahona, Nōvema 2008, 17–20