24-р бүлэг
Эцэг эхчүүд хүүхдүүддээ заах ёстой
1831 оны 11-р сар
Сүмийн зарим ахлагч Их Эзэн өөрсдөөр нь юу хийлгэхийг хүсэж байгааг мэдэхийг хүсэж байсан учраас бошиглогч Иосеф Смит рүү явав.
Сургаал ба Гэрээ 68, хэсгийн тойм
Иосеф удирдамжийн төлөө залбирав. Их Эзэн хэрхэн сайн эцэг эх байх талаар чухал зарчмуудыг хариултандаа багтаав.
Эцэг эхчүүд хүүхдүүддээ Есүсийн талаар зааж, Түүнд итгэх итгэлийг хөгжүүлэхэд нь туслах ёстой.
Эцэг эхчүүд хүүхдүүддээ хэрхэн наманчлахыг заах ёстой.
Есүс хүүхдүүд найман нас хүрэхээрээ баптисм хүртэх ёстой гэж хэлжээ. Эцэг эхчүүд үр хүүхдүүддээ баптисм хүртэхээс нь өмнө сайн мэдээг заасан байх ёстой.
Эцэг эхчүүд хүүхдүүддээ Ариун Сүнсний бэлгийн талаар заах ёстой. Тэд мөн хүүхдүүддээ хэрхэн залбирч, Ариун Сүнсийг сонсохыг заах ёстой.
Эцэг эхчүүд хүүхдүүддээ Бурханы зарлигуудыг мэдэж, дуулгавартай дагахыг мөн Сүмийн сайн гишүүд байхыг заах ёстой.
Есүсийн сургаалыг дагадаг эцэг эх, хүүхдүүд гэр бүлээрээ мөнхөд аз жаргалтай байх боломжтой.