Мэдэх ёстой газрууд

Адам-ондай-Аман нь Миссури мужид байдаг газар юм. Есүс эрт дээр үед Адам дээр энэ газарт айлчлан ирж байсан.

Мормоны Номд гардаг хүмүүс олон жилийн өмнө Америкт амьдарч байсан.

Аризона бол Америкийн Нэгдсэн Улсын өрнөд хэсэг дэх муж юм. Бригам Янг гэгээнтнүүдийг Аризонад хот суурин бариулахаар явуулсан.

Калифорни бол Америкийн Нэгдсэн Улсын өрнөд хэсэг дэх муж юм. Бригам Янг гэгээнтнүүдийг Калифорнид хот суурин бариулахаар явуулсан.

Картейж бол Иллиной дахь хот юм. Иосеф Смит, Хайрум Смит хоёр Картейж шоронд хоригдож байсан.

Тэнгэрийн селестиел хаант улс бол Тэнгэрлэг Эцэг, Есүс хоёрын амьдардаг газар юм. Зөв шударга хүмүүс амилуулагдсаныхаа дараа тэнд амьдарна.

Колорадо бол Америкийн Нэгдсэн Улсын өрнөд хэсэг дэх муж юм.

Каунсил Блаффс бол Америкийн Нэгдсэн Улсын тал газар байрладаг хот юм. Энэ нь Айовад байдаг.

Египет бол Абрахам болон Мосе олон жилийн тэртээ амьдарч байсан газар юм.

Фар Вест бол Миссури мужийн хот байсан. Гэгээнтнүүд Фар Вестэд хэсэг зуур амьдарч байжээ.

Фейетте бол Нью-Йорк мужид байдаг хот юм. Иосеф Смит Фейеттед Сүмийг зохион байгуулсан.

Гетсеманийн цэцэрлэг нь Иерусалимын дэргэд байдаг. Есүс Гетсеманийн цэцэрлэгт зовж шаналан, бидний төлөө цусаа урсгасан.

Агуу Солт Лэйкийн хөндий нь Америкийн Нэгдсэн Улсын өрнөд хэсэгт байдаг.

Хармони бол Пеннсильванид байдаг, Иосеф Смитийн амьдарч байсан хот юм.

Хаунс Милл бол Миссури дэх хот байсан. Танхайрагчид Хаунс Миллд олон гэгээнтнийг хөнөөсөн.

Тэнгэр бол Тэнгэрлэг Эцэгийн болон Есүсийн амьдардаг газар юм. Энэ дэлхийд ирэхээсээ өмнө бид тэнгэрт амьдардаг байсан.

Кумора гүвээ нь Нью-Йорк дахь Иосеф Смитийн гэрийн ойролцоо байдаг байв. Алтан ялтсуудыг Кумора гүвээнд булжээ.

Айдахо бол Америкийн Нэгдсэн Улсын өрнөд хэсэг дэх муж юм. Бригам Янг гэгээнтнүүдийг Айдоход хот суурин бариулахаар явуулсан.

Иллиной бол Америкийн Нэгдсэн Улсын баруун хойд хэсгийн муж юм. Науву болон Картейж нь Иллинойд байдаг хотууд юм.

Индепенденс бол Миссуригийн Жаксон гүнлэгт байдаг хот юм. Есүс Сионы хот Индепенденсийн ойролцоо баригдах болно гэж хэлжээ.

Жаксон гүнлэг нь Миссурид байдаг. Танхайрагчид гэгээнтнүүдийг Жаксон гүнлэгээс хөөсөн.

Иерусалим нь Израильд байдаг хот юм. Есүс дэлхийд дахин ирэхдээ Иерусалим руу явах болно.

Көртланд нь Огайо дахь хот юм. Энэ үеийн гэгээнтнүүд Көртландад хэсэг зуур амьдарч байсан ба тэнд ариун сүм барьжээ.

Либерти бол Миссурид байдаг хот юм. Иосеф Смит Либерти шоронд хэдэн сар болжээ.

Миссиссипи мөрний нэг хэсэг нь Науву хотын ойролцоо байдаг. Гэгээнтнүүд Наувуг орхиж явахдаа Миссиссипи мөрөнг гаталжээ.

Миссури бол Америкийн Нэгдсэн Улсын баруун хойд хэсгийн муж юм. Индепенденс бол Миссурид байдаг хот юм.

Науву бол Иллиной дахь хот юм. Гэгээнтнүүд Наувуд амьдардаг байсан бөгөөд тэнд ариун сүм барьжээ.

Нью-Йорк бол Америкийн Нэгдсэн Улсын дорно хэсэг дэх муж юм. Кумора гүвээ Нью-Йоркт байдаг. Палмира болон Фейетте хотууд Нью-Йоркт байдаг.

Огайо бол Америкийн Нэгдсэн Улсын баруун дунд хэсгийн муж юм. Көртланд нь Огайо дахь хот юм.

Номхон далай бол Америкийн Нэгдсэн Улсын өрнөд хэсэгт байдаг. Мормон суман Номхон далай руу жагсаалаар явсан.

Палмира бол Иосеф Смитийн гэр бүл олон жилийн турш амьдарч байсан Нью-Йоркийн хот юм.

Пеннсильвани бол Америкийн Нэгдсэн Улсын дорно хэсэг дэх муж юм. Эмма Смитийн гэр бүл Пеннсильванид амьдардаг байжээ.

Пуэбло бол Колорадо дахь хот юм. Мормон сумангийн эрчүүд Пуэблод гэр бүлээ орхин явжээ.

Квинси бол Иллиной дахь хот юм.

Роки Маунтенс бол Америкийн Нэгдсэн Улсын өрнөд хэсэгт байрладаг. Анхдагчид Роки Маунтенсыг туулан Агуу Солт Лэйкийн хөндий рүү иржээ.

Анхдагчид Солт Лэйк Ситиг барьж байгуулсан. Энэ нь Агуу Солт Лэйкийн хөндийд байрладаг.

Дэлхий дээр амьдарч байхдаа муу хүмүүс байсан тэд амилсныхаа дараа телестиел хаант улсад амьдарна.

Дэлхий дээр байхдаа сайн байсан боловч Бурханы бүх зарлигийг дагаагүй хүмүүс амилсныхаа дараа тэнгэрийн террестиел хаант улсад амьдрах болно.

Америкийн Нэгдсэн Улс бол Хойд Америкт байдаг газар нутаг юм. Есүс Христийн Хожмын Үеийн Гэгээнтнүүдийн Сүм Америкийн Нэгдсэн Улсад сэргээгдсэн.

Юта бол Америкийн Нэгдсэн Улсын өрнөд хэсэг дэх муж юм. Солт Лэйк Сити Ютад байдаг.

Вермонт бол Америкийн Нэгдсэн Улсын дорно хэсэг дэх муж юм. Иосеф Смит Вермонтод төрсөн.

Винтер Квортерс бол Америкийн Нэгдсэн Улсын тал газар байрладаг хот юм.

Вайоминг бол Америкийн Нэгдсэн Улсын өрнөд хэсэг дэх муж юм. Бригам Янг гэгээнтнүүдийг Вайоминг руу хот суурин бариулахаар явуулсан.

Сион бол Енохын барьсан хот юм. Хэзээ нэгэн өдөр Сион нэртэй өөр нэг хот байх болно. Энэ нь Миссуригийн Жаксон гүнлэгт байх болно.