Мэдэх ёстой хүмүүс

Абрахам бол олон жилийн өмнө амьдарч байсан бошиглогч юм. Абрахамын түүх Хуучин Гэрээ болон Агуу Үнэт Сувд дээр байдаг.

Жон К.Беннет Науву хотын дарга байсан бөгөөд тэр Иосеф Смитийн эсрэг боссон.

Ахмад Аллен Америкийн Нэгдсэн Улсын армийн ахмад байв. Тэр Сүмийн эрсийг Мормоны суманд нэгдэхийг хүссэн.

Леман Коплей Огайогийн Көртландад Сүмийн гишүүн байсан бөгөөд бусад гишүүнтэй газраа хуваалцаагүй юм.

Оливер Каудери Иосеф Смитэд алтан ялтсуудыг орчуулахад тусалсан. Тэр Сүмд туслахын тулд олон зүйл хийсэн.

Елиас Көртландын ариун сүмд Иосеф Смит болон Оливер Каудерид онцгой санваарын хүчийг сэргээсэн.

Елиа олон жилийн өмнө амьдарч байсан бошиглогч юм. Тэр Иосеф Смит, Оливер Каудери хоёрт санваарын онцгой хүчийг Көртландын ариун сүмд байхад нь сэргээсэн.

Енох олон жилийн өмнө амьдарч байсан бошиглогч юм. Тэр Сион хотыг барьсан. Енохын түүх Агуу Үнэт Сувд дээр гардаг.

Боггс нь Миссури мужийн захирагч байжээ. Тэр гэгээнтнүүдэд туслаагүй бөгөөд тэднийг мужаас гаргах эсвэл хөнөөх тушаал буулгасан.

Мартин Харрис Иосеф Смитэд алтан ялтсуудыг орчуулахад тусалсан. Тэр Мормоны Номын зарим хуудсыг алдсан юм.

Оорсон Хайд төлөөлөгч байсан. Тэр Абрахамын хүүхдүүдийн амьдрах Ариун газрыг онцгойлон адисалсан.

Индианчууд Америкийн Нэгдсэн Улсын бүх хэсэгт амьдардаг байв. Индианчуудын заримыг леменчүүд гэж нэрлэдэг.

Иаков Есүс Христийн арван хоёр төлөөлөгчийн нэг байв. Петр, Иаков, Иохан нар Мелкизедек санваарыг Иосеф Смит, Оливер Каудери хоёрт сэргээсэн.

Иохан Есүс Христийн арван хоёр төлөөлөгчийн нэг байв. Петр, Иаков, Иохан нар Мелкизедек санваарыг Иосеф Смит, Оливер Каудери хоёрт сэргээсэн.

Иохан Баптист Есүсийг дэлхийд амьдарч байсан тэр цаг үед амьдарч байсан. Иохан Баптист Иосеф Смит, Оливер Каудери хоёрт Аароны санваарыг өгсөн.

Хибэр С.Кимбалл төлөөлөгч байсан. Тэр Англи руу номлолд явсан.

Сара Кимбалл нь анхны Халамжийн нийгэмлэгийн гишүүн байв.

Спэнсэр В.Кимбалл нь Сүмийн 12 дахь ерөнхийлөгч юм.

Сатан түүний залбирлыг зогсоох гэж оролдоход Ньюел Найт өвдсөн. Иосеф Смит Ньюел Найтыг эдгээжээ.

Леменчүүд бол Лихайн хүү болох Лемен, Лемүел хоёрын үр удам юм.

Мелкизедек бол олон жилийн өмнө амьдарч байсан бошиглогч юм.

Сүмийн гишүүдийг Мормоны Номд итгэдэг учраас заримдаа мормончууд гэж нэрлэдэг.

Моронай бол Америкт олон жилийн тэртээ амьдарч байсан нифайчуудын бошиглогч юм. Тэр Кумора гүвээнд алтан ялтсуудыг нуусан.

Мосе нь олон жилийн тэртээ амьдарч байсан бошиглогч юм. Тэр израильчуудыг Египетээс удирдан гаргасан. Тэр Иосеф Смит, Оливер Каудери хоёрт санваарын онцгой хүчийг Көртландын ариун сүмд сэргээсэн.

Ноён Чандлер гэгээнтнүүдэд зарим эртний бичээсийг зарсан. Абрахамын бичиглэлүүд тэрхүү эртний бичээс дээр байжээ.

Ноён Хэйл бол Эмма Смитийн аав юм.

Ноа нь олон жилийн өмнө амьдарч байсан бошиглогч юм.

Хайрам Пейж өөрт нь Сүмийн талаар илчлэлтүүдийг өгдөг чулуу байгаа гэж хэлсэн.

Эдвард Партриж Сүмийн анхны бишоп байсан.

Петр Есүсийн арван хоёр төлөөлөгчийн нэг байв. Петр, Иаков, Иохан нар Мелкизедек санваарыг Иосеф Смит, Оливер Каудери хоёрт сэргээсэн.

Виллиам В.Фелпс Миссуригийн Жаксон гүнлэгт сургуулиуд байгуулахад тусалсан.

Анхдагчид бол Роки Маунтенс руу тал газраар аялсан гэгээнтнүүд юм.

Парлей П.Пратт леменчүүдэд заахаар номлолд явсан.

Виллард Ричардс Иосеф Смитийн найз байв. Тэр Иосефтой хамт Картейж шоронд хамт байсан.

Сидней Ригдон Иосефын зөвлөхүүдийн нэг байв.

Алвин Смит Иосеф Смитийн ах нарын нэг байв. Тэр нас барсан юм. Иосеф Алвиныг тэнгэрийн селестиел хаант улсад байна гэсэн үзэгдэл үзсэн.

Эмма Смит Иосеф Смитийн эхнэр нь байсан. Тэр Халамжийн нийгэмлэгийн анхны удирдагч байв. Тэр Сүмд зориулан дууллын ном бичсэн.

Хайрум Смит Иосеф Смитийн ах нарын нэг байв. Хайрум Иосефтой хамт Картейж шоронд алагдсан.

Иосеф Смит нь Есүс Христийн Хожмын Үеийн Гэгээнтнүүдийн Сүмийн анхны бошиглогч, ерөнхийлөгч байв. Есүс Иосеф Смитэд Сургаал ба Гэрээнд байгаа илчлэлтүүдийг өгсөн. Иосеф Картейж шоронд алагдсан.

Ахмад Иосеф Смит нь Иосеф Смитийн аав юм.

Люси Смит нь Иосеф Смитийн ээж юм.

Самуел Смит нь Иосеф Смитийн дүү байв. Тэр Сүмийн анхны номлогч байсан.

Элайза Р.Снөү анхны Халамжийн нийгэмлэгийн гишүүн байсан.

Жон Тэйлор Иосеф Смитийн найз байв. Тэр Иосефтой хамт Картейж шоронд байсан. Сүүлд нь тэрээр Сүмийн ерөнхийлөгч болсон юм.

Давид Витмер алтан ялтсуудыг харсан гэрч байсан. Тэр 1830 оны 4-р сарын 6-нд Сүмийг зохион байгуулахад тусалсан юм.

Петр Витмер нь 1830 оны 4-р сарын 6-нд Сүмийг зохион байгуулахад тусалсан.

Ньюел К.Витней нь Сүмийн хоёр дахь бишоп байсан.

Фредерик Г.Виллиамс нь Иосеф Смитийн зөвлөхүүдийн нэг байсан.

Бригам Янг арван хоёр төлөөлөгчийн нэг бөгөөд анхдагчдын удирдагч байв. Тэрээр Иосеф Смитийн дараа Сүмийн ерөнхийлөгч болсон.

Финеас Янг нь Бригам Янгийн ах байв.