7-р бүлэг
Алтан ялтсуудыг харсан гэрчүүд
1829–1830 он
Иосеф Смит, Оливер Каудери хоёр Мормоны Номыг орчуулж дуусгав. Есүс хүмүүсийг энэ номыг уншаасай гэж хүсэж байлаа. Тэрээр мөн Иосеф алтан ялтсуудын талаар үнэнийг хэлсэн гэдгийг хүмүүс мэдээсэй гэж хүсэж байв.
Есүс алтан ялтсуудыг харж, тэдгээр нь үнэн гэдгийг гэрчлэх өөр гурван эрэгтэйг сонгожээ. Тэдгээр нь Мартин Харрис, Оливер Каудери, Давид Витмер нар байв.
Иосеф гурван гэрчийг ой руу дагуулж яван, тэндээ бүгдээрээ залбирчээ. Тэнгэр элч ирж, тэдэнд алтан ялтсуудыг үзүүлэв. Есүс тэднийг юу харснаа бусдад гэрчлэх хэрэгтэй гэж гурван гэрчид хэлжээ.
Иосеф Смит маш их баяртай байв. Гурван гэрч хүмүүст алтан ялтсуудын талаар ярьж, ингэснээр илүү олон хүн Иосеф үнэнийг ярьж байсан гэдэгт итгэх байжээ.
Есүс ялтсуудыг өөр найман гэрчид үзүүл хэмээн Иосефт хэлэв. Тэр найман гэрч ялтсуудыг гартаа барьж, ялтсууд дээрх бичвэрийг харжээ.
Бүх гэрч алтан ялтсуудын талаар бичсэн байдаг. Тэд ялтсуудыг харсан гэдгээ хэлж, ялтсууд жинхэнэ гэдгийг гэрчилсэн. Гэрчүүдийн үгс Мормоны Номд байдаг.
Иосеф Смит ялтсуудыг орчуулж, гэрч тэдгээрийг харсан учраас ялтсууд цаашид Иосефт байх шаардлагагүй болов. Тэнгэр элч Моронай үзэгдэж, Иосеф алтан ялтсуудыг түүнд буцааж өгсөн.
Иосеф Мормоны Номыг орчуулж дууссаныхаа дараа хэвлэгчид аваачиж өгсөн юм. Иосефт хэвлэгчид төлөх мөнгө байсангүй. Мартин Харрист хангалттай мөнгө байсан бөгөөд илчлэлтээр түүнээс хэвлэлтэд зориулан мөнгөө хуваалцахыг хүсжээ.
Сатан Мормоны Номыг хэвлэгдэж гарахыг хүссэнгүй. Тэрээр хүмүүст уг номыг уншуулахыг хүсэхгүй байв. Ёс бус хүмүүс хэвлэх ажлыг зогсоохыг оролджээ.
Нэгэн эр ням гарагт хэвлэх газар руу ороод, Мормоны Номын зарим хуудсыг хулгайлав. Өөр хүмүүс ирж түүнийг зогсоох хүртэл тэрээр Мормоны Номын хуудсуудыг сонин дээр хэвлэн гаргаж байжээ.
Мормоны Номын хэвлэлийн ажлыг зогсоох гэсэн хүмүүсийн оролдлого бүтэлгүйтжээ. Учир нь ёс бус хүмүүс Есүсийн ажлыг зогсоож чадахгүй. Олон сарын дараа Мормоны Номыг хэвлэж дуусав.