Te mau haapiiraa no to tatou anotau
Te mau haamaramaramaraa i muri nei no te mau haapiiraa a te Autahu‘araa a Melehisedeka e te Sotaiete Tauturu no te maha o te sabati o tei tauihia i roto i te Haamaramaramaraa na te Autahu‘araa e te mau Pŭpŭ Tauturu i roto i te faanahoraa, 2005 e tae atu 2008.
Te mau pureraa no te maha o te sabati i te mau ava’e atoa a te Autahu‘araa a Melehisedeka e te Sotaiete Tauturu e faatumuhia ïa te reira i ni‘a i « Te mau hapiiraa no to tatou anotau ». Te mau haapiiraa atoa o « Te mau haapiiraa no to tatou anotau » ia haapiihia mai roto mai i te mau a‘oraa i roto i te amuiraa rahi i ma‘ri iho nei tei tuuhia i roto i te Liahona. Teie mau a‘oraa e nene‘ihia i te mau ava’e me e te ava’e novema atoa. E roaa atoa te mau a‘oraa i ni‘a i te www.lds.org (na roto i te mau reo atoa).
E nehenehe te mau haapiiraa tata‘itahi e faaineinehia i ni‘a i te hoê e aore ra, e rave rahi a‘oraa. Na te mau peresideni tĭtĭ e te mataeinaa e ma‘iti i te mau a‘oraa e faaohipa, e aore ra, e horo‘a ratou i te reira hopoi‘a i roto i te mau episekopo e te mau peresideni amaa. E mea ti‘a i teie feia faatere no te autahu‘araa ia haapapû i te faufaa no te fariiraa te mau taea‘e i te Autahu‘araa a Melehisedeka e te mau tuahine no te Sotaiete Tauturu e haapii atoa i taua mau a‘oraa i te reira mau sabati. E mea ti‘a i te mau orometua ia imi i te a‘o a to ratou feia faatere no te tahi mau haamaramarama taa ê.
Te titauhia nei i te mau taata e haere atu i roto i te mau haapiiraa no te maha o te sabati ia tai‘o maite e ia ta‘ita‘i mai i roto i te piha haapiiraa i te ve‘a no ni‘a i te amuiraa i ma‘iri iho nei. E mea ti‘a i te feia faatere o te paroita e o te amaa ia papû maitai e te farii nei te mau melo atoa i te mau ve‘a a te Ekalesia.
Te mau mana‘o tauturu no te faaineine i te hoê haapiiraa i ni‘a i te mau a‘oraa
-
A pure ia ti‘a i te Varua Mo‘a ia vai mai i piha‘i iho ia outou a tuatapapa ai e a haapii ai outou i te (mau) a‘oraa. E riro paha outou i te tahi mau taime e vaiho i te hiti te mau a‘oraa no te amuiraa e ia faaineine i te haapiiraa ma te faaohipa i te tahi atu mau materia. Tera râ, o te mau a‘oraa no te amuiraa tei haamanahia. Ta outou hopoi‘a, o te tautururaa ïa ia vetahi ê ia haapii e ia ora i te evanelia mai tei haapiihia i roto i te amuiraa rahi a te Ekalesia i ma‘iri iho nei.
-
A hi‘o faahou i te (mau) a‘oraa, ma te imi i te mau parau tumu e te mau parau haapiiraa e tu‘ati i ni‘a i te mau hinaaro o te mau melo o te piha haapiiraa. A imi atoa i te mau aamu, te irava parau, e te mau faahitiraa parau i roto i te (mau) a‘oraa o te riro ei tauturu ia outou ia haapii i te mau parau tumu e te mau parau haapiiraa.
-
A hamani i te hoê faahororaa haapiiraa mai te au i to outou hinaaro no te haapii i te mau parau tumu e te mau parau haapiiraa. I roto i te reira faahororaa haapiiraa, a faaohipa i te mau uiraa o te tauturu i te mau melo o te piha haapiiraa:
-
Ia imi i te mau parau tumu e te mau parau haapiiraa i roto i te (mau) a‘oraa o ta outou e haapii atu.
-
Ia feruri i ni‘a i te auraa o te mau parau tumu e te mau parau haapiiraa.
-
Ia faaite ia ratou i te haroaroaraa, te mau mana‘o, te mau iteraa, e te iteraa papû o te mau parau tumu e te mau parau haapiiraa.
-
Ia faaohipa i te reira mau parau tumu e te mau parau haapiiraa i roto i to ratou oraraa. Ia faaohipa i te reira mau parau tumu e te mau parau haapiiraa i roto i to ratou oraraa.
-
-
A hi‘o faahou i te mau pene 31–32 o te Haapiiraa, Aita e Piiraa Hau A‘e
« Te mea faufaa roa oia ho‘i ia farii te mau melo i te faaururaa a te Varua, ia faarahi i to ratou ite no te evanelia, te haapiiraa ia faaohipa i te mau parau tumu o te evanelia i roto i to ratou oraraa e te haapuairaa i to ratou titauraa ia ora i te evanelia » (Buka arata‘i Haapiiraa [2001], 12).
A hapono atu i te mau mana‘o no ni‘a « Te mau Haapiiraa no to tatou anotau » i te Curriculum Development, 50 East North Temple Street, Room 2420, Salt Lake City, UT 84150-3220, USA; e-mail: cur-development @ldschurch.org.
|
Te mau ava‘e |
Materia haapiiraa no te sabati maha |
|---|---|
|
Novema 2008–Eperera 2009 |
Te mau a‘oraa nene‘ihia i roto i te Liahona* no Novema 2008 |
|
Me 2009–Atopa 2009 |
Te mau a‘oraa nene‘ihia i roto i te Liahona* no Me 2008 |