Ko Hono Fakafoki Mai ʻo e Lakanga Fakataulaʻeikí

• ʻOku hanga ʻe he fakahoko mo e tauhi ʻo e ngaahi fuakava ʻoku fekauʻaki mo e ngaahi ouau ʻo e lakanga fakataulaʻeikí, ʻo fakatupu ha fehokotaki fakalaumālie mahuʻinga ʻiate koe mo e ʻOtuá. Naʻe akoʻi ʻe ʻEletā Teili G. Lenilani: “ʻOku hoko … ʻa hono tauhi ʻo e ngaahi fuakava ʻoku fakahoko ʻi he faiʻanga papitaisó pea mo e temipalé ke tau maʻu ai ha ivi ke matuʻuaki ʻa e ngaahi ʻahiʻahi mo e loto-mamahi ʻo e moʻui fakamatelié. Ko e tokāteline ʻoku kau fakataha mo e ngaahi fuakava ko ʻení ʻoku fakafaingofuaʻi ai ʻetau fonongá mo ʻomi ha ʻamanaki lelei, fakafiemālie mo e nonga.”¹ Ko e hā ha meʻa te ke fai ke fakahoko pea mo tauhi ai ʻa e ngaahi fuakava ʻoku lava ke ke maʻu ʻi he lakanga fakataulaʻeikí? Te ke lava fēfē ke poupouʻi ʻa e niʻihi kehé mo tokoni ke nau fakahoko ʻa e ngaahi fuakava mo e ʻOtuá?

• Fakaafeʻi ʻa e kau mēmipa hoʻomou kulupú ke nau lau ʻa e fakamatala ko ʻeni naʻe fai ʻe Palesiteni Lāsolo M. Nalesoní:

  “Koeʻuhí kuo fakafoki mai ʻa e Lakanga Taulaʻeiki Faka-Melekisētekí, ʻoku fakatou malava ʻe he houʻeiki fafine mo tangata tauhi fuakavá ke maʻu e ʻngaahi tāpuaki fakalaumālie kotoa pē ʻo e siasí’ [Tokāteline mo e Ngaahi Fuakava 107:18], pe ʻe lava pē ke tau pehē, ki he ngaahi koloa fakalaumālie kotoa ʻa e ʻEikí maʻa ʻEne fānaú.

  “ʻE lava ke maʻu hangatonu ʻe he fefine mo e tangata kotoa ʻokú ne fai ha fuakava mo e ʻOtuá pea tauhi ʻa e ngaahi fuakava ko iá, pea moʻui taau ‘o kau atu ʻi he ngaahi ouau ʻo e lakanga fakataulaʻeikí ʻa e mālohi ʻo e ʻOtuá. ʻOku maʻu ʻe kinautolu kuo fakakoloaʻi ʻi he fale ʻo e ʻEikí ha meʻafoaki ʻo e mālohi ʻo e lakanga fakataulaʻeiki ʻo e ʻOtuá, ʻi heʻenau fuakavá, fakataha mo ha meʻafoaki ʻo e ʻilo ʻa e founga ke maʻu ai ʻa e mālohi ko iá.”²

  Ko e hā ha niʻihi ʻo e “ngaahi koloa fakalaumālie” pe ngaahi tāpuaki kuó ke maʻu ʻi hono maʻu e ngaahi ouaú pea ʻi hono fakahoko mo tauhi ʻa e ngaahi fuakavá?

• Fakahinohino ki he Ngaahi Folofolá, “Fuakavá, Gospel Library.

• Jeffrey R. Holland, “Our Most Distinguishing Feature,” Liahona, May 2005, 43–45

• “Vahe 5: Ko e Lakanga Fakataulaʻeiki Māʻoniʻoní—ke Faitāpuekina e Fānau ʻa e ʻOtuá,” Ngaahi Akonaki ʻa e Kau Palesiteni ʻo e Siasí: Siaosi ʻAlipate Sāmita (2011), 49–58.

• Naʻe ʻi ai ha ngaahi fehuʻi ʻa e talavou ko Siosefa Sāmitá fekauʻaki mo e ngaahi akonaki fakalotu ʻo hono kuongá. Naʻá ne tafoki ai ki he ʻOtuá ʻi he lotu, ke kumi ha fakahinohino, pea naʻe ʻaʻahi mai ʻa e Tamai Hēvaní mo Sīsū Kalaisi. Lau ʻa e Siosefa Sāmita—Hisitōlia 1:17–20. ʻOku tokoni fēfē atu ʻa e potufolofola ko ʻení ke mahino lelei ange ʻa e ʻuhinga naʻe fiemaʻu ai ke fakafoki mai ʻa e lakanga fakataulaʻeikí?

• Mamata mo e kau mēmipa hoʻomou kulupú ʻi he foʻi vitiō “Restoration of the Priesthood” (2:00), ʻo fakafanongo ki he ngaahi tāpuaki ʻoku tau maʻu ʻi heʻetau moʻuí koeʻuhí ko e fakafoki mai ʻo e Lakanga Taulaʻeiki Faka-ʻĒloné. Te tau lava fēfē ke maʻu kakato ange ʻa e ngaahi tāpuaki ʻo e Lakanga Taulaʻeiki Faka-ʻĒloné ʻi heʻetau moʻuí?

• Sione 15:16; Tokāteline mo e Ngaahi Fuakava 13

• Ko e Fakafoki Mai ʻa e Kakato ʻo e Ongoongolelei ʻo Sīsū Kalaisí: Ko Ha Fanongonongo ki Māmani ʻo e Taʻu Uangeaú,” Gospel Library

• Ngaahi Tefito ʻi he Hisitōlia ʻo e Siasí, “Ko Hono Fakafoki Mai ʻo e Lakanga Taulaʻeiki Faka-ʻĒloné,” Gospel Library

• “Days Never to Be Forgotten,” The Priesthood Restored: A Joseph Smith Papers Podcast, josephsmithpapers.org

ʻĪmisi

Ko e foaki ʻe Pita, Sēmisi, mo Sione ʻa e lakanga taulaʻeiki Faka-Melekisētekí kia Siosefa Sāmitá

Hili ha māhina ʻe taha mei he ʻaʻahi mai ʻa Sione Papitaisó, naʻe toe haʻu mo ha kau talafekau fakalangi tokolahi ange kia Siosefa Sāmita mo ʻŌliva Kautele. ʻI he taimi ko ʻení, naʻe foaki ai ʻe he kau ʻAposetolo ʻo e Fuakava Foʻoú, ko Pita, Sēmisi, mo Sione kia Siosefa mo ʻŌliva ʻa e Lakanga Taulaʻeiki Faka-Melekisētekí mo e ngaahi kī ʻo e puleʻanga ʻo e ʻOtuá (vakai, Tokāteline mo e Ngaahi Fuakava 27:12–13; 128:20). Neongo naʻe foaki ʻe he Lakanga Taulaʻeiki Faka-ʻĒloné kia Siosefa mo ʻŌliva ʻa e mafai ke faipapitaisó, ka naʻe foaki ange ʻe he Lakanga Taulaʻeiki Faka-Melekisētekí ʻa e mafai ke na tokangaʻi ʻa e Siasí mo fakahoko ʻa e ngaahi ouau kotoa ʻoku fiemaʻu ke maʻu ai ʻa e fakamoʻuí mo e hākeakiʻí.

Naʻe foaki kimui ange kia Siosefa Sāmita mo ha kau taki kehe ʻo e Siasí ha ngaahi kī kehe ʻo e lakanga fakataulaʻeikí, pe ko e mafai ke tokangaʻi mo tataki ha ngaahi konga ʻo e Siasí mo hono misioná. ʻI he Temipale Ketilaní, naʻe foaki ai ʻe ha kau talafekau fakalangi kehe—ʻe Mōsese, ʻIlaiase, mo ʻIlaisiā—ʻa e ngaahi kī ki hono tānaki fakataha ʻo ʻIsilelí, ko e kuonga fakakosipeli ʻo e ongoongolelei ʻo ʻĒpalahamé (ʻa ia ʻoku kau ai ʻa e fakafoki mai ʻo e fuakava faka-ʻĒpalahamé), mo e ngaahi kī ki he mālohi ʻo e faisilá (vakai, Tokāteline mo e Ngaahi Fuakava 110:11–16).

• ʻE lava ʻe he tokotaha maʻu lakanga fakataulaʻeiki kotoa ʻo muimuiʻi hono mafaí ʻo aʻu ki he meʻa toputapu naʻe hoko ʻo hono fakafoki mai ʻo e lakanga fakataulaʻeikí. Naʻe fakamatalaʻi ʻe ʻEletā Sefilī R. Hōlani: “Te tau lava ʻe kitautolu ʻi he Siasi ʻo Sīsū Kalaisi kuo fakafoki maí, ʻo muimuiʻi ʻa e hokohoko ʻo e laine ʻo e mafai ʻo e lakanga fakataulaʻeikí ʻoku fakaʻaongaʻi ʻe he tīkoni foʻou taha ʻi he uōtí, pīsope ʻokú ne tokangaʻi iá, pea mo e palōfita ʻokú ne tokangaʻi kotoa kitautolú. ʻOku foki e laine ko iá ʻi ha hokohoko ʻoku ʻikai toe motu, ki he kau ʻāngelo talafekau naʻe omi mei he ʻAlo Tonu ʻo e ʻOtuá, ʻo ʻomai ʻa e meʻaʻofa taʻe-hano-tatau ko ʻení mei he langí.”³ ʻE lava ke kole mei he hetikuota ʻo e Siasí ʻa e laine mafai ʻo e lakanga fakataulaʻeikí .

• Kuo fēfē haʻo ongoʻi ha liliu ʻi hoʻo moʻuí ʻi he hili haʻo maʻu ha ouau ‘o e lakanga fakataulaʻeikí? ʻI hoʻo fakakaukauʻi mo e toenga ʻo e kulupú ʻa e fehuʻi ko ʻení, lau ʻa e fakamatala ko ʻeni mei he Siosefa Sāmita—Hisitōlia 1:74: “[Kuo] fakamāmaʻi [ʻeni] homa ʻatamaí, naʻe kamata ke fakamahinoʻi mai ki homa ʻatamaí ʻa e ngaahi folofolá, pea fakahā mai ki homa ʻatamaí ʻa e ʻuhinga moʻoni mo e taumuʻa ʻa honau ngaahi potu tohi mahinongataʻa tahá, ʻi ha founga naʻe ʻikai te ma lava ke maaʻusia kimuʻa, pea naʻe teʻeki ai ke ma fakakaukau ki ai kimuʻa.”

• Tokāteline mo e Ngaahi Fuakava 84:6–17; 107:40–53

• Gary E. Stevenson, “Ko e Fatongia Mahuʻinga ʻo e Lakanga Fakataulaʻeikí ʻi hono Fakafoki mai ʻo e Ongoongoleleí,” Liahona, Sune 2020, 13–17

• Ngaahi Tefito ʻi he Hisitōlia ʻo e Siasí, “Ko Hono Fakafoki Mai ʻo e Lakanga Taulaʻeiki Faka-Melekisētekí,” Gospel Library

• “The Voice of Peter, James, and John,” The Priesthood Restored: A Joseph Smith Papers Podcast, josephsmithpapers.org