Hupirisita hwaMerkizedeki

Hupirisita hwaMerkizedeki ndihwo hupirisita hwepamusoro kana hukuru; Hupirisita hwaAroni ndihwo Hupirisita hudiki. Hupirisita hwaMerkizedeki hunosanganisa nekiyi dzemaropafadzo emweya eChechi. Nemuzvisungwa zvehupirisita hwepamusoro, simba rehumwari rinoratidzwa kuvanhu (D&Z 84:18–25; 107:18–21).

Mwari vakatanga kuratidza hupirisita hwepamusoso uhwu kuna Adama. Mapatiriaki nemaporofita muchinguva chose-chose vaive nesimba iri (D&Z 84:6–17). Hwakambotanga kudaidzwa kunzi Hupirisita Hutsvene, weGungano reMwanakomana waMwari. Mushure hwakazozivikanwa nokunzi Hupirisita hwaMerkizedeki (D&Z 107:2–4).

Vana vaIsraeri pavakatadza kutevedza zvavaipiwa nezvibvumirano zve Hupirisita hwaMerkizedeki, Ishe vakavatorera mutemo wepamusoro akavapa hupirisita hudiki nemurau mudiki (D&Z 84:23–26). Uhwu hwainzi Hupirisita hwaAroni nemurau waMosesi. Jesu paakauya panyika, akadzorera pakare Hupirisita hwaMerkizedeki kumaJuda akatangisa kuvaka Chechi pakati pavo. Asika, Hupirisita neChechi zvakarasika zvakare pamusana pekusiya nzira kwayo. Zvakazodzorerwa pakare mushure nemuna Joseph Smith, Mwana, (D&Z 27:12–13; 128:20; Nh—JS 1:73).

MuHupirisita hwaMerkizedeki mune zvinzvimbo zvirimo zvehugosa, mupirisita wepamusoro, patiriaki, vemakumi manomwe, neVaapositori (D&Z 107). Hupirisita hwaMerkizedeki huchagara huri chimwe cheumambo hwaMwari pano pasi.

Mukuru weChechi yaJesu Kristu yaVatendi vaMazuva Ekupedzisira ndiye mukuru wehupirisita hwepamusoro kana kuti Hupirisita hwaMerkizedeki, uye ane makiyi ose ari maererano neumambo hwaMwari pano pasi. Nzvimbo yeMukuru weChechi inobatwa nemunhu mumwechete-chete panguva ipi zvayo, uye ndiye munhu chete pano pasi akabvumirwa kuita kiyi dzose dzeupirisita (D&Z 107:64–67; 132:7).