“Danieri neShamwari Dzake,” Nyaya dzeTestamente Yekare (2022)
“Danieri neShamwari Dzake,” Nyaya dzeTestamente Yekare
Danieri 1
Danieri neShamwari Dzake
Kuramba kudya zvokudya zvamambo
Nyika yeBabironi yakakurira Jerusarema. Vakatora mamwe amajaya akanyanya kuchenjera uye akasimba zvikuru kubva kumhuri dzavo muJerusarema uye vakavaunza kuBabironi kuzoshandira mambo.
Danieri neshamwari dzake vaiva vamwe vamajaya aya. Vakasarudzwa kuti vashandire mudare ramambo uye vagova varume vake vakangwara.
Mambo akapa Danieri neshamwari dzake zvokudya newaini. Asi havana kuda kudya zvokudya zvamambo kana kunwa waini. Zvaipikisana nemirairo yaMwari.
Izvi zvakaita kuti muranda wamambo atyire upenyu hwake. Akachengeta Danieri neshamwari dzake, uye akafunga kuti kana vakaramba zvokudya zvamambo, vaizova vakaondoroka kupfuura mamwe majaya. Zvino mambo aizotsamwa uye ouraya muranda iyeye.
Asi Danieri aivimba naMwari uye aida kuteerera mirairo Yavo. Danieri akakumbira muranda uyu kuti avape mvura nezviyo kwamazuva gumi uye zvino ozoenzanisa hutano hwavo nehutano hwemamwe majaya. Muranda akabvuma.
Mushure memazuva gumi, Danieri neshamwari dzake vaiva nehutano hwakanaka kupfuura mamwe majaya ose. Danieri neshamwari dzake vakatevera mirairo yaMwari, uye Mwari vakavaita varume vakangwara kupfuura vamwe vose mudare ramambo.