Mhuri yaAdama naEva

Kusarudza kutevera Ishe

Mushure mokunge Adama naEva vabuda muMunda weEdeni, vakaenderera mberi nokudzidza pamusoro pachirongwa chaBaba Vokudenga kwavari panyika. Vakava navana vakawanda uye vakavadzidzisa zvose zvavaiziva pamusoro paIshe. Vamwe vana vaAdama naEva vakasarudza kuteerera Ishe. Asi vamwe vavo vakasarudza kusateerera.

Mosesi 5:1–12; 6:15

Mufananidzo

Adama naEva vaine vana, Adama achinyora magwaro matsvene

Mhuri yaAdama naEva yakachengeta bhuku rendangariro. Vakanyora nhoroondo yemhuri yavo mubhuku racho. Vakanyora pamusoro pamabatsirirwo avakaitwa naIshe.

Mosesi 6:5–6

Mufananidzo

Kaini naAberi

Kaini naAberi vaiva vaviri vevanakomana vaAdama naEva. Aberi aida Ishe uye akasarudza kuVatevera. Kaini haana kuteerera Ishe. Akasarudza kupanduka.

Genesi 4:1–16

Mufananidzo

murume akatarisa kuguta

Mhuri yaAdama naEva yakaramba ichikura. Vamwe vanhu vakawanda vakazvarwa. Vose vakanga vaine rusununguko rwokuita sarudzo. Nokufamba kwenguva, vamwe vanhu vakapandukira mirairo yaIshe. Ishe vakatumira vaporofita kunodzidzisa vanhu kutendeuka.

Genesi 4:25–26; Aruma 5:13; 6:23