“Davidi Mudiki,” Nyaya dzeTestamente Yekare (2022)
“Davidi Mudiki,” Nyaya dzeTestamente Yekare
Davidi Mudiki
Mufudzi wechikomana akadaidzwa kuva mambo.
Ishe vakatuma muporofita Samueri kuti awane mambo mutsva. Sauro, aiva mambo panguva iyoyo, akanga arega kutevera Ishe. Ishe vakaudza Samueri kuti aende muBeti-rehemi uye anowana murume ainzi Jese. Mambo mutsva aizova mumwe wevanakomana vaJese.
Vanakomana vakurusa vaJese vaiva varefu uye vakasimba. Asi Ishe vakaudza Samueri kuti asavasarudza maererano nekuratidzika kwavo.
Samueri akabvunza Jese kana akanga aine vamwe vanakomana. Jese akati mwanakomana wake mudukusa, Davidi, aiva achifudza makwai. Davidi akaunzwa kuna Samueri.
Davidi aiva ari muduku kupfuura madzikoma ake uye aingova mukomana aiva mufudzi. Asi Ishe havana kuita hanya nekuratidzika kwaiita Davidi. Ishe vaiziva kuti mwoyo waDavidi waiva wakazara nerutendo. Vakaudza Samueri kuti Davidi aizova mambo. Samueri akaropafadza Davidi. Mweya waIshe wakagadzirira Davidi kuti ave mambo.