“Mambo Josia,” Nyaya dzeTestamente Yekare (2022)
“Mambo Josia,” Nyaya dzeTestamente Yekare
2 Madzimambo 22; 2 Makoronike 34–35
Mambo Josia
Kutsvaka kuteerera mirairo yaIshe
Josia akanga ave nemakore gumi ekuberekwa apo paakaitwa mambo weJuda. Aiva ari mambo akanaka uyo aida Ishe. Aida kubatsira vanhu vake, vaIsraeri, kuti vateerere Ishe uye varege kunamata zvifananidzo. Apo paaiva akura, iye navanhu vake vakatanga kugadzira temberi uye kuita kuti ive yakanaka zvakare.
2 Madzimambo 22:1–2; 2 Makoronike 34:3–7
Apo vanhu pavaiva vachishanda patemberi, Hirkia mupirisita mukuru akawana bhuku romutemo, mupunduru uyo waiva nezvinyorwa zvitsvene.
Muranda akaverenga bhuku kuna Josia. Josia akanzwa mashoko uye akasuwa nokuda kwokuti vanhu vake havana kuteerera Ishe. Akabvarura nguwo dzake kutaridza kuti aiva asuwa.
Akaudza Hirkia kuti abvunze Ishe izvo zvaaifanira kuita. Hirkia navaranda vamambo vanoshanyira Hurda. Aiva muporofitakadzi, mutungamiri akatendeka uyo akafemerwa naMwari. Akati Ishe aifara naJosia nokuda kwokuti aibatsira vanhu kuteerera. Ishe vakavimbisa kuti Mambo Josia aizorarama murunyararo.
Mambo Josia aida kuti vanhu vake vachengete vimbiso dzavo kuna Ishe. Akavakumbira kuti vapemberere Paseka kuitira kuvabatsira kurangarira masununguriro akaita Ishe vaIsraeri kare kare muEgipita.