“Kusikwa kweNyika,” Nyaya dzeTestamente Yekare (2022)
“Kusikwa kweNyika,” Nyaya dzeTestamente Yekare
Genesi 1–2; Mosesi 1–3; Abrahama 3–5
Kusikwa kweNyika
Imba yakanaka yevana vaBaba Vokudenga
Mwari Baba vedu Vokudenga vakakumikidza chirongwa cheruponeso kudenga. Tose takadaidzira nemufaro! Taizokwanisa kuuya panyika kuzogamuchira muviri wenyama. Tiri panyika, taizodzidza kutevera Mwanakomana waMwari, Ishe Jesu Kristu. Ishe vakasika nyika vachitevera mirairidzo yaMwari.
Genesi 1:1; Jobo 38:4–7; Mosesi 1:32–33; 2:1; Abrahama 3:22–-27
Pazuva rekutanga, Ishe vakaparadzanisa chiedza kubva kurima. Vakadaidza chiedza kuti zuva uye rima usiku.
Genesi 1:3–5; Mosesi 2:3–5; Abrahama 4:1–5
Pazuva rechipiri, Vakakaparadzanisa mvura pakati pemakore ari mudenga nemakungwa panyika.
Genesi 1:6–8; Mosesi 2:6–8; Abrahama 4:6–8
Pazuva rechitatu, Ishe vakasika makungwa makuru uye nenzvimbo yakaoma. Vakatumidza mvura kuti gungwa uye nzvimbo yakaoma kuti nyika. Vakaita kuti nyika ive yakanaka iine maruva, michero, zvirimwa, nemiti.
Genesi 1:9–13; Mosesi 2:9–13; Abrahama 4:9–13
Pazuva rechina, Vakasika zuva kuti ripenye masikati. Zvino Vakasika mwedzi nenyenyedzi kuti zvipenye usiku.
Genesi 1:14–19; Mosesi 2:14–19; Abrahama 4:14–19
Pazuva rechishanu, Ishe vakasika hove mugungwa uye neshiri mudenga. Vakaropafadza zvisikwa kuti zviwande uye vakaropafadza hove kuti dzizadze mvura.
Genesi 1:20–23; Mosesi 2:20–23; Abrahama 4:20–23
Pazuva rechitanhatu, Vakasika mhuka panyika, dzimwe dzaifamba uye dzimwe dzaikambaira.
Genesi 1:24–25; Mosesi 2:24–25; Abrahama 4:24–25
Baba Vokudenga uye Ishe vakadzika pasi kunyika pazuva rechitanhatu. Murume nemukadzi vakasikwa mumufananidzo waMwari. Baba Vokudenga vakavataurira kuti vachengetane uye vaite vana. Murume nemukadzi vakavimbwawo navo kuti vachengete nyika uye mhuka.
Genesi 1:26–27; Mosesi 2:26–27; Abrahama 4:26–31; 5:7–8
Baba Vokudenga vakafara nezvinhu zvose zvaVakasika. Pazuva rechinomwe, Vakazorora kubva pabasa Ravo rose. Nyika yaive yakanaka uye yakazara neupenyu.