“Noa nemhuri Yake,” Nyaya dzeTestamente Yekare (2022)
“Noa neMhuri Yake,” Nyaya dzeTestamente Yekare
Genesi 6–9; Mosesi 8
Noa neMhuri Yake
Areka, mafashamu, uye vimbiso dzaIshe
Noa nemhuri yake vakateerera Ishe. Vamwe vanhu vose vaiva vakanyangara zvikuru. Ishe vakataurira Noa kuti mafashamu aizofukidza nyika kana vanhu vakasatendeuka.
Noa akadzidzisa vanhu kuti Ishe vaivada uye vaida kuti vatendeuke uye vave nerutendo muna Jesu Kristu. Havana kuteerera.
Noah akasuwa kuti vanhu vairamba kutendeuka. Ishe vakataurira Noa kuti avake ngarava huru yaidaidzwa kunzi areka. Areka yaizochengetedza mhuri yaNoa yakadzivirirwa panguva yemafashamu.
Mhuri yaNoa yakaunza zvokudya muareka. Ishe vakatumira mhuka mbiri dzerudzi rwega rwega kuna Noa. Mhuka dzakapinda muareka, uye mushure memazuva manomwe kwakatanga kunaya.
Sekuyambira kwakaita Ishe, kwakanaya kwemazuva makumi mana uye husiku makumi mana. Mafashamu akafukidza nyika.
Mhuri yaNoa uye nemhuka dzose dzaiva muareka vakayangarara zvakachengeteka pamusoro pemvura.
Apo mafashamu paakapera, areka yakamhara pasi pakaoma. Noa nemhuri yake vakavaka aritari yekunamata Ishe uye kuvatenda nekuvadzivirira kwavaiva vaita. Ishe vakavimbisa kusazombofashamisa nyika zvakare. Vakatumira muraraungu sechiyeuchidzo chevimbiso Yavo.