“Shadraki, Meshaki, naAbedi‑nego,” Nyaya dzeTestamente Yekare (2022)
“Shadraki, Meshaki, naAbedi‑nego,” Nyaya dzeTestamente Yekare
Danieri 1; 3
Shadraki, Meshaki, naAbedi‑nego
Chiedzo chorutendo chinenjodzi
Mambo Nebukadnezari akavaka hofori yechifananidzo, chendarama uye akamanikidza vanhu vake kuti vachinamate. Kana vakaramba, vaizoiswa mubisiro remoto.
Shamwari dzaDanieri Shadraki, Meshaki, naAbedi‑nego vaida Mwari uye vakaramba kunamata mwari wenhema wamambo. Mambo akavashatirirwa.
Shamwari nhatu idzi dzakataurira mambo kuti vaizonamata Mwari chete. Vaitenda kuti Mwari vaikwanisa kuvadzivirira. Asi kunyangwe dai Vaisavaponesa, vaizodzivirira izvo zvavaitenda.
Mambo akashatirirwa zvikuru naShadraki, Meshaki, naAbedi‑nego. Akaita kuti vakandwe mubisiro remoto. Asi apo mambo paakatarisa mubisiro, akashamisika kuona munhu wokudenga ari mumoto nevarume vatatu ava. Havana kukuvadzwa nemoto.
Mambo vakadaidza Shadraki, Meshaki, naAbedi‑nego, vakabuda mubisiro. Moto hauna kuvakuvadza kana kunyangwe kupisa mbatya dzavo
Shadraki, Meshaki, naAbedi‑nego vakateerera mirairo yaMwari, kunyangwe apo upenyu hwavo pahwaiva munjodzi. Muenzaniso wavo wakabatsira mambo kutenda muna Mwari.