“Enoki Muporofita,” Nyaya dzeTestamente Yekare (2022)
“Enoki Muporofita,” Nyaya dzeTestamente Yekare
Genesi 5; Mosesi 6–7
Enoki Muporofita
Maponeserwo akaitwa guta nerutendo muna Ishe
Ishe Jesu Kristu vakakumbira Enoki kuti ataurire vanhu kuti vatendeuke. Asi Enoki akafunga kuti akanga asingakwanisi kutaura zvakanaka. Aitya kuti vanhu havaizomuteerera.
Ishe vakavimbisa kusimbisa nekudzivirira Enoki kunyangwe zvazvo vamwe vanhu vakanga vasingade zvaidzidziswa naEnoki.
Vimbiso yaIshe yakapa Enoki ushingi. Enoki akateerera Ishe uye akadzidzisa vanhu nesimba. Akadzidzisa pamusoro paJesu Kristu, rutendeuko, rubhabhatidzo, uye neMweya Mutsvene. Vamwe vanhu vakatenda dzidziso dzaEnoki uye vaida kutevera Ishe.
Enoki akanga aine mvumo kubva kuna Mwari yekubhabhatidza. Vanhu vose vakatenda dzidziso dzaEnoki vakabhabhatidzwa uye vakaswedera padyo naIshe. Hapana aiva murombo nokuda kwokuti vaichengetana. Vakadaidzwa kuti Zioni nokuda kwokuti vaigara pamwechete murudo nemuururami.
Rimwe zuva Ishe vakaratidza Enoki chiratidzo chezvose zvaizoitika panyika. Enoki akaona upenyu, rufu, uye Kumuka Kuvakafa kwaJesu Kristu. Enoki akadzidza kuti mumazuva ekupedzisira vhangeri raizodzorerwa. Akaonawo Kuuya kweChipiri kwaJesu.
Pakupedzisira, vanhu vose muguta reZioni vakatenda dzidziso dzaEnoki uye vakatendeuka. Nokuda kwokuti vaichengetana uye vaigara murunyararo, Ishe vakavatora kuti vagare Navo.