“Danieri neGomba reShumba,” Nyaya dzeTestamente Yekare (2022)
“Danieri neGomba reShumba,” Nyaya dzeTestamente Yekare
Danieri 6
Danieri neGomba reShumba
Ushingi hwemurume mumwechete hwekunamata
Dariusi akava mutongi pamusoro peBabironi. Aida Danieri uye aida kumuita mutungamiri pamusoro penyika yose. Vamwe vevarume vakangwara vamambo vakaita shanje.
Varume vakangwara vaiziva kuti Danieri ainamata kuna Mwari, saka vakanyengera mambo kuti aite mutemo mutsva. Munhu upi neupi ainamata kuna Mwari aizokandwa mugomba reshumba.
Danieri akasarudza kunamata kuna Mwari zvakadaro. Varume vakangwara vamambo vakaona Danieri achinamata uye vakataurira mambo kuti Danieri aiva achityora mutemo. Mambo akaziva kuti varume vakangwara vake vakanga vamunyengera. Akaedza kutsvaga nzira yokuti aponese Danieri, asi mambo akanga achifanira kutevera mutemo wake.
Danieri akakandwa mugomba reShumba. Mambo akarara akasvinura usiku hwose, achitsanya kuitira kuti Danieri azodzivirirwa.
Rungwanani rwezuva rakatevera, mambo akaenda nekukurumidza kugomba reshumba. Akadaidzira kuna Danieri kuti aone kana aiva achiri mupenyu. Daniel akapindura! Akataurira mambo kuti Mwari vakatuma ngirozi kuti ivhare miromo yeshumba. Shumba hadzina kumukuvadza.
Mambo akafara kuti Danieri aiva adzivirirwa. Akaranga varume vakangwara vakamunyengera, uye akagumisa mutemo uyu. Akadzidzisa nyika yake pamusoro pesimba nerunako rwaMwari.