“Ishe Vanotaura kunaEria,” Nyaya dzeTestamente Yekare (2022)
“Ishe Vanotaura kunaEria,” Nyaya dzeTestamente Yekare
Ishe Vanotaura kuna Eria
Kuteerera kuinzwi raIshe
Mambo Ahabi akaudza Mambokadzi Izeberi kuti Ishe vakakunda vapirisita vaBaari. Izeberi akashatirwa uye akati aizouraya muporofita Eria.
Kuti agare akadzivirirwa, Eria akabva munyika yeIsraeri. Akafamba kwemazuva makumi mana nousiku makumi mana, achitsanya apo paienda. Zvino akasvika paGomo reSinai uye akawana bako rekuvanda mariri. Ishe vakataurira Eria kuti aende pamusoro pegomo kuitira kuti Vagozokwanisa kutaura naEria.
Mhepo inesimba yakauya uye ikapwanya matombo aiva akakomberedza bako kuita zvidimbu zvidimbu. Mushure maizvozvo, kudengenyeka kwenyika kwakazungunutsa pasi. Zvino moto wakatanga. Eria akanzwa ruzha rukuru rwemhepo, rwekudengenyeka, uye rwemoto. Asi inzwi raIshe raiva risiri muruzha rukuru irworwo.
Zvino Eria akanzwa inzwi rakaderera, rakapfava, diki. Akaziva kuti vaiva Ishe. Ishe vakabvunza Eria zvaakanga achiita ipapo.
Eria akati aiva akavanda kuti azvidzivirire. Vaporofita vose vakanga vauraiwa, uye vanhu vakanga varamba Ishe.
Ishe vakanyaradza Eria uye vakamuudza kuti kwaiva kuine vaIsraeri vakawanda vakanga vachiri kunamata Ishe. Ishe vakakumbira Eria kuti adzokere kumba uye agadzirire mumwe muporofita. Zita remuporofita mutsva raiva Erisha.