“Mosesi Muporofita,” Nyaya dzeTestamente Yekare (2022)
“Mosesi Muporofita,” Nyaya dzeTestamente Yekare
Eksodo 2–3
Mosesi Muporofita
Akadaidzwa kusunungura vanhu vaIshe
Mosesi akakura semwanakomana wemwanasikana waFarao. Mosesi akaona kuti vaEgipita vaiva nehutsinye kuvaIsraeri. Akasuwa kuti vaEgipita vakaita vaIsraeri nhapwa dzavo.
Rimwe zuva Mosesi akaona muEgipita achirova muIsraeri. Kuti adzivirire muIsraeri, Mosesi akauraya muEgipita.
Apo Farao paakazviziva, akada kuuraya Mosesi, asi Mosesi akatiza kubva muEgipita.
Mosesi akasvika kunzvimbo yainzi Midiani, uko kwaakasangana nemudzimai ainzi Zipora. Vakachata uye vakaita vana.
Apo paaigara muMidiani, Moses akaona gwenzi raiva richibvira, asi moto hauna kupisa gwenzi. Ishe vakazviratidza mumoto uye vakataura naMosesi.
Ishe vakati Vaiziva kuti vaIsraeri vaitambudzika muEgipita. Vakaraira Mosesi kuti adzokere kuEgipita uye anotaurira Farao kuti abvumire vaIsraeri kuti vasununguke. Ishe vakati Vaizobatsira Mosesi kusunungura vaIsraeri uye nekuvatungamirira kuenda kunyika yechipikirwa.