“Fidim Sipsip blong Mi”
Folem mi, mo fidim sipsip blong mi (luk long D&C 112:14).
“Jisas i bin talem long Pita blong i lukaot ol sipsip blong Hem. Hemia nao olsem wanem Pita i save soemaot long Jisas se hem i lavem Hem.”
“Mama, Jisas i gat wan grup blong ol sipsip?”
“No, dia. Jisas samtaem oli singaotem Hem, Gudfala Man blong Lukaot long Sipsip, mo yumi olsem ol sipsip blong Hem. Jisas i bin stap tijim Pita se sapos yumi wantem blong soemaot long Jisas se yumi lavem Hem, yumi mas helpem ol narafalawan.”
“Hemia nao from wanem yumi stap go blong givim pae long Sista Jekobs afta long famle haos naet?”
“Yes, hemia nao. Be bae i moa naes sapos yu tingting long wan samting we yu save mekem blong soemaot long Sista Jekob se yu lavem hem.”
Olivia i stap tingting long wanem bae hem i save mekem. Hem i bin tingbaot se Mama mo Bubuwoman i laekem tumas ol pikja we hem i stap droem ia.
“Mi save! Mi save mekem wan kad blong Sista Jekob mo droem wan pikja long kad ia!”
Olivia i droem wan naesfala renbo. Insaed long kad ia hem i raetem, “Kam oraet kwik! Lav, Olivia.”
Taem Olivia mo famle blong hem oli go kasem haos blong Sista Jekobs, mama i askem Sista Jekob se hem i stap filim olsem wanem. Sista Jekobs i stat blong krae.
“Mi jes faenemaot se mi mas go long hospital blong gat wan operesen tumoro. Mi harem mi fraet smol.”
Mama i givim long Sista Jekobs pai ia. Afta Olivia i givim long hem kad we hem i bin mekem.
“Tangkyu, Olivia. Naesfala kad ia mo swit smael blong yu i mekem mi filim gud.”
Olivia i filim olsem se wan man i jes hagem hat blong hem. Hem i hapi se hem i save helpem Jisas blong lukaot sipsip blong Hem.