Pej blong Yumi
Samtaem mi filim se mi no andastanem eni samting abaot Jos o mi filim olsem we mi no gat inaf fet long wan samting.Taem mi stap gat filing ia, mi prea long Papa long Heven from help. Kolosap oltaem nomo mi gat wan ansa. Mi filim wom mo pis i stap ova long mi, mo mi gat wan tru filing se God i lisin long ol prea blong mi mo i lavem mi tumas. Ol eksperiens ia oli helpem testemoni blong mi mo lav blong mi blong God i gohed blong gro.
Mi save se God i Papa blong yumi mo i lavem wanwan long yumi tumas. Hem i lisin long ol problem blong yumi mo i sendem Tabu Spirit blong i leftemap tingting blong yumi. Mi save se Hem i harem ol prea blong yumi mo i hapi taem yumi stap stret mo gud. Mi mi fulap wetem glad blong save se God i lavem mi mo se mi mi wan memba blong Jos. Mi save se Jisas Kraes i Pikinini blong Hem mo i Sevya blong yumi.
Defni R., 11 yia, Switsalan
Karlos D., 8 yia, Brasil
Viet Minh Tri P., 10 yia, Kambodia
Daniel K., we i gat 7 yia, blong Denmak, hem i wan hapi mo strong boe. Hem i laekem blong help long garen. Hem i laekem tu blong help blong kuk—speseli blong rolem flaoa blong pidsa. Hem i wok had long skul mo i laekem blong plei soka, go swim, mo klaem ol tri. Hem i laekem blong help blong bildimap ol faea long ol aktiviti blong ol Skaot. Long jos hem i laekem ol stori blong Josef Smit mo Jisas, mo hem i laekem blong singsing “Choose the Right (Jusum Raet).”