Filim Spirit blong Tempol

Taem oli bin singaotem mi blong kam wan memba blong hae kaonsel, stek presiden i bin talemaot tingting blong hem blong wantem moa memba blong oli go long tempol long ol dei we stek blong mifala i mas stap go long hem. Transpot hem i wan problem, mekem se fas samting we hem i bin mekem hem i blong arenjem wan bas blong i pikimap ol memba long evri wod bilding long stek mo tu blong i karem mifala i kambak long en blong dei.

Be i gat wan narafala problem. Ol mama oli no save go long tempol from oli no gat man blong lukaotem ol pikinini blong olgeta. Taem mifala i stap toktok raon long wan wei blong mekem sam yang woman long stek oli help blong lukaotem ol pikinini, mi luksave se mifala i mas singaotem wan stek neseri lida. Mi bin givim tingting ia long stek presiden. Hem i tingting se mifala i mas singaotem ol niu konvet blong sev olsem ol asisten long neseri lida blong oli save filim spirit blong tempol. Taem oli putum ol tingting ia long aksen, mifala i bin gat wan bigfala namba blong ol memba blong stek we oli bin atendem tempol.