Givim Seves Insaed long Jos
Valiu blong Wan Tija
I kamaot long “Only a Teacher,” Tambuli, Oktoba 1990, 3–8.
Sam taem i pas, tri yangfala boe oli stap toktok raon long ol papa blong olgeta. Wan i talemaot, “Papa blong mi i bigwan bitim papa blong yu,” we i mekem nara wan i ansabak mo talem, “Ok, papa blong mi i smat bitim papa blong yu.” Namba tri boe i tokbak mo talem, “Papa blong mi i wan dokta.” Afta, hem i tanem i go long wan boe, mo i talem long jik long boe ia, “Mo papa blong yu hem i wan tija nomo.”
I gat wan tija we laef blong hem i bigwan bitim ol narawan. Hem i bin laef blong oli no givim seves long hem be blong hem i givim seves, i no blong hem i kasem be blong hem i givim, i no blong sevem laef blong Hem be blong i sakrifaesem laef blong hem from ol narawan. Hem i tokbaot wan lav we i moa naes bitim strong filing ia blong wantem silip nomo wetem wan narawan we i no gat lav; Hem i tokbaot wan fasin blong stap pua we i moa rij bitim fasin blong gat fulap samting. Hem i bin tij wetem atoriti mo i no olsem we ol tija long Baebol oli bin mekem. Mi stap tokbaot Masta Tija, we i Jisas Kraes, Pikinini ya blong God, Sevya mo Ridima blong evri man long wol ia.
Taem ol gudfala tija oli akseptem naesfala invitesen blong Hem “Kam lan long mi,” oli tekempat long paoa blong Hem we i kam long God.
Hem i bin eksperiens blong mi olsem wan smol boe blong kam anda long paoa blong wan tija olsem ia. Long Sandei Skul klas blong mifala, hem i bin tijim mifala abaot Kriesen blong wol, Foldaon blong Adam, mo bigfala sakrifaes blong pemaot man we Jisas i bin mekem. Long klasrum blong hem, hem i tij abaot Moses, Josua, Pita, Tomas, Pol, mo tu, abaot Kraes. Nomata we mifala i no save luk olgeta, mifala i bin lanem blong lavem, givim ona, mo mekem olsem olgeta.
Taem boe ia i harem ol tok blong jik ia: “Papa blong mi i bigwan bitim papa blong yu,” “Papa blong mi i smat bitim papa blong yu,” “Papa blong mi i wan dokta,” bae hem i save ansabak se, “Ating papa blong yu i bigwan bitim papa blong mi; papa blong yu i smat bitim papa blong mi; papa blong yu i wan paelot, wan enjinia, o wan dokta; be papa blong mi hem i wan tija,” be hem i no bin talem.
Letem wanwan long yumi i inaf oltaem blong kasem wan tru mo klin toktok olsem ia blong leftemap tingting!
Toktok antap long Hil, i kam long Kal Henrij Blok, oli bin kasem raet blong Nasonal Miusium long Frederiksbog long Hillerød, Denmak, bae oli no save mekem kopi.