Sering Taem
Jisas Kraes I Bin Putumbak Fulnes blong Gospel Tru long Josef Smit
Traem tingting long wan glas we i fulap wetem klia, klin wota. Sapos yumi bagem glas ia, sam wota bae i kapsaed mo bae glas ia bae i no moa fulap.
Long stat blong wol fulnes blong gospel i bin stap long wol. Blong plante yia ol profet oli bin tijim gospel.
Taem Jisas Kraes i bin stap long wol ia, Hem i bin stanemap Jos blong Hem. Hem i bin tijim fulnes blong gospel: fet long Jisas Kraes, sakem sin, baptaes andanit long wota, presen we i Tabu Spirit, mo fasin blong obei ol komanmen. Jisas i bin soemaot long evri pipol olsem wanem oli mas laef. Hem i kam Sevya blong yumi evriwan. Glas blong gospel i bin fulap.
Be taem ol yia i bin pas, ol pat blong gospel oli bin lus from ol rabis pipol oli bin jenisim o oli no obei long hem. fulnes blong gospel i no moa stap long wol. Papa long Heven i bin promesem ol pikininni blong Hem se bae Hem i givim fulnes blong gospel ia bakegen long olgeta. Hem i bin singaotem Josef Smit blong i helpem Hem blong putumbak fulnes blong gospel.
Jon 3:16 i tijim yumi se Papa long Heven i bin givim long yumi Pikinini blong Hem mo gospel blong Hem from Hem i bin lavem ol pikinini blong Hem. Hem i singaotem ol profet blong tijim evriwan gospel blong Hem blong yumi save gobak long Hem.
Yumi kasem blesing blong gat fulnes blong gospel long Jos blong Jisas Kraes blong Ol Lata-dei Sent. Ol gospel glas blong yumi oli fulap kasem antap, mo Papa long Heven i bin promesem se gospel bae i no moa save lus long wol ia bakegen.
Epril 2010 Skripja Jenol
Ridim nambasikis toktok blong bilif.
Lanem baehat toktok blong bilif ia.
Prea blong askem Papa long Heven blong i helpem yu blong save se Jisas Kraes i bin putumbak fulnes blong gospel tru long Josef Smit.
Jusum wan long ol aktiviti ia, o krietem wan blong yuwan:
-
Helpem wan narawan blong i lanem toktok blong bilif ia.
-
Ridim o mekem wan i ridim long yu Joseph Smith—History long Pearl of Great Price.
-
Mekem stori wil we i stap long pej (00) 67. Katemaot tu wil, mo fasem tufala tugeta wetem wan bras blong fasem tugeta samting. Yusum wil ia blong tijim wan man olsem wanem Jisas Kraes i bin putumbak fulnes blong gospel tru long Josef Smit.
-
Ol misinari oli stap tijim ol trutok blong gospel we i bin kambak truaot long wol. Prea from olgeta. Prea blong save huia yu save invaetem blong oli lisin long mesej blong ol misinari.
Olsem wanem nao wanem samting we yu bin mekem blong help i bin helpem yu blong andastanem nambasikis toktok blong bilif?
Raet long jenol blong yu o droem wan pikja abaot wanem yu bin mekem.
Jisas Kraes I Bin Putumbak Fulnes blong Gospel Tru long Josef Smit
Lef: Fas Visen, i kam long Gari L. Kap, bae oli no save mekem kopi; antap long raet: pikja © Vivid Details; daon long raet: Josef Smit i stap Transletem Buk blong Momon, i kam long Del Pason, © IRI; ol narafala pikja i kam long Robet T. Baret