O Uo Fou, O Uo Tuai

O le taeao o le Aso Sa, ae ua popole ia Lissa. Ua suia tuaoi o lana uarota. O lona uiga o le a ia auai atu i se uarota fou i lenei aso. Na vaaia e Tama ma Tina le popole o Lissa.

O le a se mea ua tupu?

Ou te le iloa se tasi i le uarota fou. Aisea na latou suia ai la tatou uarota tuai?

O le mea moni a o se mea e lelei. O loo tuputupu ae le Ekalesia. O lona uiga ua toatele atu tagata ua talia le talalelei.

Faamata o le a ou toe vaai i a’u uo mai le tatou uarota tuai?

O le a ma faamautinoaina e te vaai i ai. E mafai ona e valaauliaina i latou i lo tatou fale mo lou aso fanau.

I le lotu na savali atu Lissa i le potu o le Peraimeri. Na ia vaaia nisi o ana uo mai lana uarota tuai, ae sa toatele foi mata fou. Na taaalo Lissa ma isi tamaiti i totonu o le vasega i se taaloga e fesoasoani ia i latou e aoaoina ai igoa o le tasi ma le isi. Sa foliga mai e lelei nai tamaiti fou.

Na maua e Lissa ona matua ma lona tuagane laitiiti o faatali ma mo ia i le fale toonai ina ua maea le vasega.

Tina, faamata e mafai foi ona ou valaauliaina tamaiti fou i lo tatou fale i lo’u aso fanau?

O se manatu manaia tele lena.

Na faia e Lissa ma Tina i lena vaiaso ni tusi valaaulia mo tamaiti o le latou uarota tuai ma tamaiti o le latou uarota fou.

Na o mai uma tamaiti, i le aso fanau o Lissa. Sa latou taaalo i le taaloga sa ia taalo ai i le Peraimeri ina ia iloa uma e i latou igoa o isi tamaiti.

Na e fiafia?

Ioe! Ia o lea ua maua a’u uo tuai ma uo fou!