Uelese

Na muai taunuu faifeautalai i Uelese i le 1840 ma i totonu o le fa masina ua faatuina se aulotu e 150 i Uelese i Matu. I Uelese i Saute, sa tauivi faifeautalai e saili ni tagata e aoao i le taimi muamua, ae i totonu o le 15 tausaga, o le 80 pasene o tagata liliu mai o Uelese e mai Uelese i Saute.

Ia Ianuari i le 1845 na toe foi atu ai Dan Jones i Uelese o se faifeautalai, o ia o se tagatanuu o Uelese na avea ma se tasi o le Ekalesia i le Iunaite Setete. Na ia amataina ni nai lomiga a le Ekalesia ma fesoasoani e faamalosia le Ekalesia. O le tusipese faaUelese na avea ma tusipese muamua lava e le faaPeretaniaina a le AAG i le 1846. O le falelotu muamua lava a le AAG i Uelese na fausia i le 1849. I le taimi lena, sa sili laitiiti atu lava ma le 3,600 tagata liliu mai i Uelese.

O le toatele lava o tagata Uelese na liliu mai anamua na faimalaga atu i Iuta. O se tasi o i latou o John Parry, o le na faavaeina le aufaipese lea ua avea ma Aufaipese a le Tapeneko. O le uluai siteki i Uelese, o le siteki a Merthyr Tydfil, na faavae i le 1975.