O Se Molimau na Maua Mai i le Oso Ae o le La

Sa ou tuputupu ae o se tagata o le Ekalesia. Sa aoaoina au e o’u matua i mataupu o le talalelei ma papatisoina ma faamauina ai ma maua le perisitua mai i lo’u tama agavaa. Na ou lagonaina le uunaiga a le Agaga i lo’u olaga, ae pe ana le oo i se tasi Eseta a o ou talavou, ou te le mauaina se molimau o le moni o le Togiola.

Sa potopoto se vaega e fia selau o tamaiti seminare mo se lotu molimau a o lei malama a’e le taeao. Atonu sa ou faasoaina atu la’u molimau i lena taeao, ae ou te le mautinoa. O le mea na ou iloa i le taimi o faia le sauniga a o oso ae le la i se Eseta fou, na oo mai le Agaga i lo’u loto ma molimau mai i le moni o Iesu Keriso, o Lona soifuaga, o Ana Aoaoga, o Lana Togiola, ma Lona Toetu. Ua ou lagona le faamautinoaga o lena molimau i le tele o taimi i le silia ma le 30 tausaga na ou molimau ai ia Iesu Keriso i le avea ai ma se faifeautalai, tamā, uo, ma taitai o le Ekalesia. Ae o le taula mo au o le molimau lea na ou mauaina mai le Agaga i lena taeao o le Eseta.