Lihae, Papa blong Nifae
Long Buk blong Momon, hem i wan Hibru profet we i lidim famli blong hem mo olgeta we oli folem hem aot long Jerusalem i go long wan promes graon long Wes saed blong wol samples long 600Â B.K.B. Lihae i bin fas profet long medel blong ol pipol blong hem insaed long Buk blong Momon.
Lihae i bin ronwe long Jerusalem, wetem famli blong hem, folem oda blong Lod (1Â Nif 2:1â4). Hem i kamaot long laen long Josef, we oli bin salem hem i go long Ijip (1Â Nif 5:14) Lod i givim hem wan visen blong tri blong laef (1Â Nif 8:2â35). Lihae mo ol boe blong hem oli bildim wan sip mo oli sel i go long Wes saed blong wol (1Â Nif 17â18). Hem mo laen blong hem oli go stap long wan niu graon (1Â Nif 18:23â25). Bifo hem i ded, Lihae i blesem ol boe blong hem, mo i tijim olgeta abaot Kraes mo taem we Buk blong Momon bae i kamtru long ol lata dei (2Â Nif 1:1â4:12).
Buk blong Lihae
Josef Smit i stat wetem buk blong Lihae taem hem i bin stap transletem Buk blong Momon. Hem i histri we Momon i raetemsot aot long ol buk blong Lihae. Afta we hem i bin transletem 116 pej we oli raetem, we i translesen blong buk ia, Josef i bin givim ol pej ia we oli raetem i go long Martin Haris, we i bin wok smol taem olsem man blong raet blong Josef, long wok blong translesen blong Buk blong Momon. Ol pej ia oli bin lus afta. Josef i no bin transletem bakegen buk blong Lihae blong riplesem hemia we i lus, be, hem i transletem ol narafala histri aot long ol buk we oli wokem long gol (lul long ol fas toktok blong D&K 3; 10). Ol narafala histri ia, naoia oli ol fasfala sikis buk blong Buk blong Momon.