Josef Smit Translesen (JST)

Wan revisen, o translesen blong King Jemes Vesen blong Baebol long Inglis, we Profet Josef Smit i statem long Jun 1830. God i givim oda long hem blong mekem translesen ia mo tekem se i pat blong koling blong hem olsem wan profet.

Nomata Josef i finisim plante long ol translesen ia long Julae 1833, hem i bin gohed kasem taem hem i bin ded long 1844 blong mekem sam smol jenis taem hem i bin stap mekem rere wan buk we hem i raetem blong oli pablisim. Nomata hem i bin pablisim samfala pat blong translesen long taem we hem i laef, hem i posibol se bae hem i mekem sam moa jenis sapos hem i bin laef kasem taem hem i pablisim ful wok ia. Jos Ia blong Jisas Kraes blong Ol Lata Dei Sent we I Rioganaes i bin pablisim fas edisen blong translesen, we i kam tru long insperesen, blong Josef Smit long 1867. Oli bin pablisim plante edisen afta long taem ia.

Profet i bin lanem plante samting long taem we hem i stap transletem ol toktok ia. Samfala seksen blong Doktrin mo Ol Kavenan, hem i bin kasem olgeta from wok blong hem long translesen (olsem D&K 76; 77; 91; mo 132). Mo tu, Lod i givim stret instraksen long saed blong translesen, we oli rekodem long Doktrin mo Ol Kavenan (D&K 37:1; 45:60–61; 76:15–18; 90:13; 91; 94:10; 104:58; 124:89). Buk blong Moses mo Josef Smit—Matiu, we i stap naoia long Perel we I Gat Bigfala Praes, oli kamaot stret long Josef Smit Translesen.

Josef Smit Translesen i putumbak sam klia mo impoten samting we oli bin lus long Baebol (1 Nif 13). Nomata hem i no ofisol Baebol blong Jos, translesen ia i givim plante niu lukluk mo i impoten tumas blong save andastanem Baebol. Mo tu, hem i wan witnes long tabu koling mo seves blong Profet Josef Smit.