Jenis I Kam Niu
Taem wan i jenis blong smol taem i kam narafala long wei we hem i luk mo long fasin blong hemâhemia, i minim se i go long wan level long saed blong spirit we i go hae moaâblong mekem se oli save stap long fes mo glori blong olgeta we oli kam long heven.
Kraes I Jenis I Kam Niu
Pita, Jemes, mo Jon oli luk Lod we i jenis i kam niu mo i gat glori long fored blong olgeta. Sevya i bin promes finis se Pita bae i kasem ol ki blong kingdom blong heven (Mat 16:13â19; 17:1â9; Mak 9:2â10; Luk 9:28â36; 2Â Pita 1:16â18). Long impoten taem ia, Sevya, Moses mo Elaeas (Elaeja) i givim ol promes ki blong prishud long Pita, Jemes mo Jon. Wetem ol prishud ki ia, ol Aposol oli bin gat paoa blong gohed long wok blong kingdom afta we Jisas i go long heven.
Josef Smit i tijim se long Hil we Jisas i Jenis i Kam Narafala, Pita Jemes mo Jon tu oli bin jenis i kam niu. Oli bin luk wan visen blong wol ia olsem we bae hem i kam long fiuja taem wetem glori (D&K 63:20â21). Oli bin luk Moses mo Elaeja, tufala man we i no testem ded, mo oli bin harem voes blong Papa. Papa i talem: âHem, Hem i Pikinini blong Mi we Mi Lavem Tumas, we mi mi glad tumas long hem; yufala i lisin gud long hemâ (Mat 17:5).