Devel

Setan. Devel i enemi blong stret mo gud fasin mo i enemi blong olgeta we oli stap lukaot blong mekem tingting blong God. Hem i stret spirit boe blong God, mo long wan taem, hem i bin wan enjel we i bin gat atoriti long ples blong God (Aes 14:12; 2 Nif 2:17). Be, hem i bin agensem God long laef bifo laef long wol ia, mo hem i bin winim tingting blong wan pat aot long tri blong ol spirit pikinini blong Papa blong oli go agens wetem hem (D&K 29:36; Moses 4:1–4; Ebr 3:27–28). God i bin sakem olgeta aot long heven, i no letem olgeta blong kasem janis blong gat wan bodi blong mit mo bun, mo blong gat eksperiens long laef long wol ia, mo bae God i no save mekem olgeta oli kam antap samtaem blong taem we i no save finis. Stat long taem ia we God i sakem devel aot long heven, hem i lukaot oltaem blong giaman long evri man mo woman, mo i lidim olgeta longwe long wok blong God blong mekem se evri man oli harem nogud semmak olsem hem (Rev 12:9; 2 Nif 2:27; 9:8–9).

Ol nogud man, bae God i tekem olgeta oli go daon long kalabus, 1 Nif 14:7.
Devel i papa blong evri giaman, 2 Nif 2:18 (Moses 4:4).
Devel i stap luklukgud se evri man bae i save harem nogud semmak olsem hem, 2 Nif 2:27.
Sapos mit mo bun bae i nomo save girap, spirit blong yumi bae i kam andanit long paoa blong devel, 2 Nif 9:8–9.
Devel bae i mekem man i kros, i mekem man i kam kwaet, i switim man, 2 Nif 28:20–23.
Wanem i nogud i kam long devel, Omnae 1:25 (Alma 5:40; Moro 7:12, 17).
Yufala i lukaot gud blong mekem se i no gat rao bitwin yufala, mo blong yufala i obei long nogud spirit, Mos 2:32.
Sapos yufala i no sipsip blong gudfala man blong yufala blong lukaot long sipsip, nao devel i man blong lukaot long yufala, Alma 5:38–39.
Devel bae i no sapotem ol pikinini blong hem, Alma 30:60.
Prea oltaem blong devel i no lidim yufala i gowe wetem ol temtesen blong hem, Alma 34:39 (3 Nif 18:15, 18).
Bildimap fandesen blong yu antap long ston blong Ridima, blong strong win blong devel i no save gat paoa ova long yu, Hil 5:12.
Devel i stamba blong evri sin, Hil 6:26–31.

Devel i bin traem blong putumap wan plan blong trik, D&K 10:12.
I mas nid blong i olsem; blong devel i mas temtem ol pikinini blong man, sapos no, bae oli no save mekem samting blong olgetawan, D&K 29:39.
Adam i kam anda long paoa blong devel, from se hem i bin foldaon long temtesen, D&K 29:40.
Ol boe blong tudak bae oli rul wetem devel mo ol enjel long taem we i no save finis, D&K 76:32–33, 44.
Lod bae i fasem devel blong wan taosen yia, D&K 88:110 (Rev 20:2).
Setan i tekemaot laet mo trutok, D&K 93:39.

Jos blong devel

Evri oganaesesen long wol we i nogud mo i folem fasin blong wol we i spolem gospel ia we i klin gud mo i stret gud, mo i stap faet agensem Smol Sipsip blong God.