Lav

Bigfala komitmen mo filing. Blong gat lav i go long God, i we yu komitim yu, yu wosipim, yu gat respek, yu kwaet, yu gat sore, yu gat fogivnes, yu gat lav mo sore, yu gat gladhat, yu givim seves, yu talem tangkyu, yu kaen. Eksampol blong lav blong God we i moa bigwan long ol pikinini blong Hem i stap long bigfala Atonmen blong Jisas Kraes.

God i lavem wol tumas, nao i givim wan stret pikinini nomo blong hem, Jon 3:16 (D&K 138:3).
Lavlavem yufala; olsem we mi mi lavem yufala, Jon 13:34 (Jon 15:12, 17; Moses 7:33).
Sapos yu lavem mi, obei long ol komanmen blong mi, Jon 14:15 (D&K 42:29).
I no gat man i lavem ol fen blong hem moa i winim man we i lusum laef blong hem blong i sevem ol fren blong hem, Jon 15:13.
?Pita, yu yu lavem mi moa i winim ol narafala ia? Yu givim kakae long ol smol sipsip blong mi, Jon 21:15–17.
I no gat wan samting bae i seperetem yumi long lav blong God long Kraes, Rom 8:35–39.
God i putumgud plante samting oli rere finis blong ol man we oli lavem hem, 1 Kor 2:9.
Tru long lav, givgivhan long yufala, Gal 5:13.
Ol hasban, lavem waef blong yufala, Efes 5:25 (Kol 3:19).
No lavem wol, 1 Jon 2:15.
God i lav, 1 Jon 4:8.
Mifala i lavem hem, from se hem i lavem mifala faswan, 1 Jon 4:19.

Kraes i bin safa from se hem i gat lav mo kaen fasin long ol man, 1 Nif 19:9.
Gohed wetem wan lav long God mo long evri man, 2 Nif 31:20.
Bae yufala i tijim ol pikinini blong yufala blong lavem mo givim seves long yufala, Mos 4:15.
Yufala i bin wantem blong singim singsing blong lav blong pemaot man, bae mi askem, ?yufala i save filim samting ia naoia? Alma 5:26.
Yufala i letem Tabu Spirit i lidim yufala, blong yufala i save wet longtaem, i gat fulap lav, Alma 13:28.
Meksua se yu kontrolem ol filing blong yu, blong mekem se yu save fulap wetem lav, Alma 38:12.
I no bin gat eni rao long graon, from lav blong God we i bin stap insaed long hat blong ol pipol, 4 Nif 1:15.
Evri samting we i invaetem man blong lavem God, i kamaot long God, Moro 7:13–16.
Bigfala lav i stret lav blong Kraes, Moro 7:47.
Lav we i stret gud i sakemaot evri fraet, Moro 8:16 (1 Jon 4:18).