Juda
Long OlTesteman, hem i nambafo boe blong Jekob mo Lea (Jen 29:35; 37:26â27; 43:3, 8; 44:16; 49:8). Jekob i blesem Juda se bae hem i wan lida long medel blong ol boe blong Jekob mo we Silo (Jisas Kraes) bae i kamaot long laen blong hem (Jen 49:10).
Traeb blong Juda
Traeb blong Juda i rul afta we oli setemap olgeta long Kenan. Jif enemi blong hem i traeb blong Efrem. Moses i blesem traeb blong Juda (Dut 33:7). Afta long rul blong Solomon, traeb blong Juda i kam kingdom blong Juda.
Kingdom blong Juda
Long taem blong rul blong Jeroboam, ol nara ples blong Solomon oli brokap long tufala seperet kingdom, from jalus fasin we i stap bitwin ol traeb blong Efrem mo Juda. Saot kingdom, o kingdom blong Juda, i tekem traeb blong Juda mo bigfala pat blong Benjamin. Jerusalem i kapitol blong hem. Long en, kingdom ia i stap moa fetful long wosip blong Jehova bitim Not kingdom. Juda i no stap fesem tumas faet long Not mo Is, mo bigfala paoa i bin stap long han blong famli blong Deved kasem taem we Ol Man Babilon oli tekova. Kingdom blong Juda i bin stap blong 135 yia afta long foldaon blong kingdom blong Isrel we i gat moa man mo i gat moa paoa.
Stik blong Laen blong Juda
Hemia i tokbaot Baebol olsem histri blong haos blong Juda (Esik 37:15â19). Long las dei, taem ol defren branj blong haos blong Isrel oli kam wan, ol tabu histri blong olgeta bae oli kam tugeta bakegen tu. Ol rekod blong skripja ia oli kam komplitim wan narawan mo tufala i stap olsem wan testemoni we tufala i wan, se Jisas Hem i Kraes, i God blong Isrel mo i God blong ful wol (JST, Jen 50:24â36 [Apendiks]; 2Â Nif 3; 29).