Profesi, Profesae

Wan profesi hem i tekem tugeta ol toktok mo raeting we oli kam tru long insperesen, we wan i kasem tru long revelesen we i kam long Tabu Spirit. Testemoni abaot Jisas i spirit blong profesi (Rev 19:10). Wan profesi i save tokbaot samting we i pas finis, samting we i stap naoia, mo samting we bae i kam. Taem wan i stap talem profesi, hem i toktok o raetemdaon samting we God i wantem hem blong save, blong gud blong hem, o blong gud blong ol narafala man. Wanwan man o woman i save kasem profesi o revelesen from laef blong olgetawan.