Gudlaef, Welfea Luk tu long Livim Kakae, Fasin blong Livim Kakae; Ofring; Pua; Wok; Wok, Gudfala Wok, Gudfala Wok blong Givhan Rod ia mo ol samting blong tekem kea long ol nid blong ol pipol long saed blong spirit, mo tu, long saed blong laef ia. Openem bigwan han blong yufala long brata blong yufala, long ol puaman blong yufala, mo tu, long olgeta we oli stap long nid long kantri blong yu, Dut 15:11. Hem we i givim samting long olgeta we oli pua, bae oli no sot long samting, Prov 28:27. Hemia i no fasin blong livim kakae we mi bin jusum, we i blong givim bred blong yu long man we i hanggri, blong tekem olgeta we oli pua i go long haos blong yu, Aes 58:6â7. Mi bin hanggri mo yufala i givim kaekae long mi; mi wan strenja mo yufala i letem mi long haos blong yufala. Taem yufala i mekem olsem long wan long ol brata ia we i moa daon long mi, yufala i bin mekem olsem long mi, Mat 25:35â40. Serem samting blong yufala long hem we i gat nid, Mos 4:16â26. Oli serem samting long wanwan long olgeta, samting blong laef ia mo blong spirit folem ol samting we oli nidim mo samting we oli wantem, Mos 18:29. Oli bin kasem komanmen blong joen tugeta blong livim kakae mo prea strong long saed blong gudfala laef blong sol blong olgeta ia we oli no bin save God, Alma 6:6. Prea from gudlaef blong yufala mo from gudlaef blong olgeta raon long yufala, Alma 34:27â28. Evriwan i serem ol samting bitwin olgeta, 4Â Nif 1:3. Tingbaot olgeta we oli pua, D&K 42:30â31. Visitim olgeta we oli pua mo olgeta we oli stap long nid, D&K 44:6. Tingbaot olgeta we oli pua mo olgeta we oli stap long nid long evri samting, D&K 52:40. Mo sore tumas long yufala ol rijman, we yufala i no stap givim samting blong yufala long ol pua, mo sore tumas long yufala, ol puaman, we yufala i no hapi long wan samting, we yufala i fulap long griri, mo we yufala i no stap wok, D&K 56:16â17. Long Saeon, i no gat puaman long medel blong olgeta, Moses 7:18.