Toktok we i kam long God i go long ol pikinini blong Hem long wol. Revelesen i kam tru long Laet blong Kraes mo tru long Tabu Spirit tru long insperesen, ol visen, ol drim o visit blong ol enjel. Revelesen i givim help we i lidim olgeta we oli fetful blong kasem fasin we i no save finis blong sevem man insaed long selestial kingdom.
Lod i soemaot ol wok blong Hem long ol profet mo i komfemem long ol man we oli biliv se ol revelesen we oli stap go long ol profet oli tru (Amos 3:7). Tru long revelesen, Lod i givim help long wanwan blong evriwan we i lukaotem revelesen ia mo i gat fet, i sakem sin, i stap obei long gospel blong Jisas Kraes. âTabu Spirit i wan reveletaâ Josef Smit i talem, mo i âno gat man i save kasem Tabu Spirit mo i no kasem ol revelesen.â
Insaed long Jos Ia blong Lod, Fas Presidensi mo Kworom blong Olgeta Twelef Aposol oli ol profet, ol sia, mo ol reveleta blong Jos mo blong wol. Presiden blong Jos i wan man ia nomo we Lod i givim raet long hem blong kasem revelesen long bihaf blong Jos (D&K 28:2â7). Evriwan i save kasem revelesen blong hemwan blong gud blong hemwan.