Kumora, Hil

Wan smol hil we i stap long Wes blong Niu Yok, long Yunaeted Stet blong Amerika. Long ples ia, wan profet blong bifo, we nem blong hem i Moronae i haedem ol buk we oli wokem long gol, we hem i bin raetem ol rekod blong ol nesen blong Ol Man blong Nifae mo Ol Man blong Jared. Moronae we i laef bakegen long ded i lidim Josef Smit long hil ia long 1827, blong hem i givim ol buk ia long Josef Smit blong hem i transletem sam pat blong olgeta. Translesen ia, hem i Buk blong Momon.