Klin mo No Klin

Long OlTesteman, Lod i talemaot long Moses mo Ol Man Isrel bifo, se i gat samfala kaekae nomo we oli talem se oli klin, o long nara toktok, oli fit blong man i kakae. Olsem wanem Ol Man Isrel oli talem wanem kaekae i klin mo wanem kaekae i no klin, i tajem bigfala laef blong olgeta long saed blong relijin mo long saed blong sosol laef blong olgeta. I gat samfala animol, pijin, mo fis, we oli tekem se oli klin mo i stret blong kakae, be i gat sam narafalawan we oli no klin, mo i tabu blong tekem (Lev 11; Dut 14:3–20). Oli bin tekem tu se samfala pipol we oli sik, oli no bin klin.

Long saed blong spirit, blong stap klin, hem i blong stap fri long sin mo ol tingting we oli ol sin. Long wei ia, oli yusum toktok ia blong tokbaot wan man o woman we i gat klin fasin mo i gat wan hat we i klin gud (Sam 24:4). Ol pipol blong kavenan blong God, oltaem, oli bin kasem ol spesel tijing blong stap klin (3 Nif 20:41; D&K 38:42; 133:5).