Hesekia

Wan stret mo gud king blong nesen blong Juda long OlTesteman. Hem i bin rul blong twantenaen yia, long taem ia we Aesea i bin profet long Juda (2 King 18–20; 2 Kron 29–32; Aes 36–39). Aesea i bin helpem hem blong mekembak Jos mo gavman. Hem i katemaot fasin blong wosip long aedol mo i putumbak ol seves blong tempol. Laef blong Hesekia i bin longwan moa blong fiftin yia tru long prea mo fet (2 King 20:1–7). Fas pat blong rul blong hem i bin gud tumas, be taem hem i faet agensem king blong Asiria (2 King 18:7) i mekem se tu taem, oli tekova long Asiria; faswan we oli tokbaot long Aesea 10:24–32, mo nambatu long Seken King 18:13–19:7. Long nambatu taem, wan enjel blong Lod i kam sevem Jerusalem (2 King 19:35).