Felosip Luk tu long Lav; Yuniti Long ol Lata-dei Sent, felosip i blong stap olsem wan gudfala fren, givim seves, leftemap tingting mo blong mekem ol narafala oli kam strong moa. Yu mas lavem narafala man semmak olsem we yu lavem yuwan, Lev 19:18 (Mat 19:19; D&K 59:6). Taem yu tanem tingting blong yu, yu kambak long mi bakegen, yu mekem tingting blong brata blong yu i strong, Luk 22:32. From we yufala i stap lavlavem yufala, bambae olgeta man oli luksave se yufala i man blong mi, Jon 13:35. Fidim sipsip blong mi, Jon 21:15â17. Ol bin prea se bae mifala i givim janis blong oli joen blong givhan long ol Kristin Man, 2Â Kor 8:1â5. Mifala i joen gud wetem Papa mo wetem Pikinini blong hem, 1Â Jon 1:3. Ol Man blong Nifae mo Ol Man blong Leman oli bin joen gud wetem wanwan long olgeta, Hil 6:3. Evri man i mas lukluk brata blong hem olsem se hem i hemwan stret, D&K 38:24â25. Sapos yufala i no wan, yufala i no blong mi, D&K 38:27. Mi tekem yu blong felosipim yu, blong stap olsem fren blong yu mo brata blong yu, D&K 88:133.