Mekem Man I Harem Nogud, I Sin, I Kros Blong brekem wan tabu loa, blong mekem sin, o blong mekem wan i harem nogud o givim kil; mo tu, i blong mekem man i no glad, o blong hambak long hem. Wan brata we oli mekem hem i harem nogud i moa had blong winim bitim wan strong siti, Prov 18:19. Sapos raet ae blong yu i mekem yu foldaon long sin, i gud yu tekemaot, Mat 5:29. Huia i mekem nogud long ol smol pikinini we oli biliv long mi, bae i moa gud oli draonem hem long medel solwota, Mat 18:6 (D&K 121:19â22). Sapos brata o sista blong yu i mekem wan sin agensem yu, mo sapos hem i konfes long yu, bambae yutufala i mas stretem mo kam gud fren bakegen, D&K 42:88. Man i no save mekem God i no glad long wan samting, be nomo sapos hem i no luksave han blong hem mo i no stap obei ol komanmen blong hem, D&K 59:21.