Ufufuko

Kuungana tena kwa mwili wa kiroho pamoja na mwili wa kawaida wa nyama na mifupa baada ya kifo. Baada ya ufufuko, roho na mwili kamwe havitatengana tena, na mtu atakuwa mtu asiyekufa. Kila mtu aliyezaliwa duniani atafufuka kwa sababu Yesu alishinda mauti (1 Kor. 15:20–22).

Yesu Kristo alikuwa mtu wa kwanza kufufuka katika dunia hii (Mdo. 26:23; Kol. 1:18; Ufu. 1:5). Agano Jipya linatoa ushahidi wa kutosha kwamba Yesu alifufuka pamoja na mwili Wake wa kawaida: kaburi Lake lilikuwa wazi, Alikula samaki na asali, Alikuwa na mwili wa nyama na mifupa, watu Walimgusa, na malaika walisema Amefufuka (Mk. 16:1–6; Lk. 24:1–12, 36–43; Yn. 20:1–18). Ufunuo wa siku za mwisho unathibitisha ukweli juu ya Ufufuko wa Kristo na wa wanadamu wote (Alma 11:40–45; 40; 3 Ne. 11:1–17; M&M 76; Musa 7:62).

Watu wote hawatafufuka katika utukufu mmoja (1 Kor. 15:39–42; M&M 76:89–98), wala hawatafufuka kwa wakati mmoja (1 Kor. 15:22–23; Alma 40:8; M&M 76:64–65, 85; 88:96–102). Watakatifu wengi walifufuka baada ya Ufufuko wa Kristo (Mt. 27:52). Waadilifu watafufuka kabla ya waovu nao watatoka katika Ufufuko wa Kwanza (1 The. 4:16); wenye dhambi wasiotubu watatoka katika ufufuko wa mwisho (Ufu. 20:5–13; M&M 76:85).

Makaburi yakafunuliwa, na miili mingi ikainuka, Mt. 27:52–53 (3 Ne. 23:9).
Bwana amefufuka, Lk. 24:34.
Roho haina mwili wa nyama na mifupa, kama mnionavyo mimi, Lk. 24:39.
Mimi ndimi ufufuko na uzima, Yn. 11:25.
Mitume Kumi na Wawili walifundisha kwamba Yesu amefufuka, Mdo. 1:21–22 (Mdo. 2:32; 3:15; 4:33).
Katika Kristo wote watahuishwa, 1 Kor. 15:1–22.
Wanaokufa katika Kristo watafufuka kwanza, 1 The. 4:16.
Heri na mtakatifu ni yeye atakayeshirika katika ufufuko wa kwanza, Ufu. 20:6.

Kristo anauweka chini uhai wake na kuutwaa tena ili apate kuleta ufufuko wa wafu, 2 Ne. 2:8 (Mos. 13:35; 15:20; Alma 33:22; 40:3; Hel. 14:15).
Pasipo ufufuko, tungelikuwa chini ya Shetani, 2 Ne. 9:6–9.
Ufufuko utakuwa kwa wanadamu wote, 2 Ne. 9:22.
Abinadi alifundisha juu ya ufufuko wa kwanza, Mos. 15:21–26.
Waovu wanabaki kama kwamba hapajakuwepo ukombozi, isipokuwa kwa kufunguliwa kwa kamba za mauti, Alma 11:41–45.
Alma alieleza hali ya roho kati ya kifo na ufufuko, Alma 40:6, 11–24.

Wakati wa ujio wa Bwana, wafu waliokufa katika Kristo watafufuka, M&M 29:13 (M&M 45:45–46; 88:97–98; 133:56).
Walilieni hususani kwa ajili ya wale wasio na tumaini la ufufuko wa utukufu, M&M 42:45.
Watu ambao hawakujua sheria watakuwa na sehemu katika ufufuko huu wa kwanza, M&M 45:54.
Watafufuka kutoka katika wafu na hawatakufa baada ya hapo, M&M 63:49.
Ufufuko kutoka kwa wafu ndiyo ukombozi wa nafsi, M&M 88:14–16.
Roho na vitu vya asili, ambavyo vimeungana na havitenganishwi, hupokea utimilifu wa shangwe, M&M 93:33.
Malaika walio viumbe waliofufuka wana miili ya nyama na mifupa, M&M 129:1.
Maarifa yoyote tuyapatayo katika maisha haya yatafufuka pamoja nasi katika ufufuko, M&M 130:18–19.