មេរៀនទី ១៤ ៖ ថ្ងៃទី ១
យ៉ូហាន ៧
សេចក្តីផ្ដើម
ព្រះយេស៊ូវបានចូលរួមពិធីបុណ្យបារាំនៅក្នុងក្រុងយេរូសាឡិម ហើយបានបង្រៀនមនុស្សម្នានៅឯព្រះវិហារបរិសុទ្ធ ពីរបៀបដែលពួកគេអាចទទួលបានទីបន្ទាល់មួយថា ការបង្រៀនរបស់ទ្រង់គឺមកពីព្រះជាព្រះវរបិតា ។ ដោយសារមនុស្សឆ្ងល់ថាតើទ្រង់គឺជានរណា នោះព្រះយេស៊ូវបានប្រើរូបរាងនៃទឹក និង ពន្លឺដើម្បីថ្លែងទីបន្ទាល់អំពីភាពជាព្រះរបស់ទ្រង់ ។ ទ្រង់ក៏បានបង្រៀនពួកគេអំពីព្រះវិញ្ញាណបរិសុទ្ធផងដែរ ។
យ៉ូហាន ៧:១-១៣
ព្រះយេស៊ូវចូលរួមពិធីបុណ្យបារាំ
តើអ្នកធ្លាប់ឆ្ងល់ទេថា ព្រះយេស៊ូវមានបងប្អូនប្រុសស្រីដែរឬទេ ?
យោងតាមព្រះគម្ពីរ យ៉ូសែប និង ម៉ារា មានកូនដែលបានកើតបន្ទាប់ពីព្រះយេស៊ូវ ហើយដែលបានចិញ្ចឹមបីបាច់នៅក្នុងផ្ទះជាមួយនឹងទ្រង់ដែរ ។ ទោះជាយ៉ាងណាក៏ដោយ ដោយសារព្រះយេស៊ូវគ្រីស្ទគឺជាបុត្រារបស់ម៉ារី និង ព្រះជាព្រះវរបិតា ពុំមែនយ៉ូសែបទេ នោះបុគ្គលទាំងនោះគឺជាបងប្អូនប្រុសស្រីចុងរបស់ព្រះយេស៊ូវ ( សូមមើល ម៉ាថាយ ១៣:៥៥–៥៦, ម៉ាកុស ៦:៣) ។
សូមពិចារណាពីស្ថានភាពនោះដែលពួកគេធំឡើងនៅក្នុងផ្ទះតែមួយជាមួយព្រះយេស៊ូវ ។
តើអ្នកគិតថា វានឹងស្រួលជាងដើម្បីជឿលើទ្រង់ទេ ប្រសិនបើអ្នកធំឡើងដោយនៅផ្ទះជាមួយទ្រង់នោះ ? ហេតុអ្វីងាយជឿ ឬ ហេតុអ្វីមិនងាយជឿ ?
នៅក្នុង យ៉ូហាន ៧ យើងរៀនពីរបៀបដែល « ប្អូនប្រុស » របស់ព្រះយេស៊ូវ (យ៉ូហាន ៧:៣, ៥) គិតអំពីទ្រង់ ។ ពាក្យ ប្អូនទ្រង់ នៅទីនេះ ប្រហែលជាសំដៅលើប្អូនប្រុសរបស់ព្រះយេស៊ូវ ប៉ុន្តែវាក៏អាចរួមបញ្ចូលនូវសាច់ញាតិជិតស្និទ្ធផ្សេងទៀតផងដែរ ។
សូមអាន យ៉ូហាន ៧:១–៥ដោយរកមើលអ្វីដែលយ៉ូហានបានកត់ត្រាអំពីប្អូនរបស់ព្រះយេស៊ូវ ។
សូមពិចារណាពីសេចក្ដីថ្លែងការណ៍ខាងក្រោម ដោយអែលឌើរ ប្រ៊ូស អ័រ ម៉ាក់ខន់ឃី ក្នុងកូរ៉ុមនៃពួកសាវកដប់ពីរនាក់ ៖
« ទីបន្ទាល់មួយអំពីភាពជាព្រះរបស់ព្រះគ្រីស្ទ និង ព្រះចេស្តានៃការសង្គ្រោះនៃដំណឹងល្អរបស់ទ្រង់គឺពុំត្រូវបានប្រទានឲ្យដោយស្វ័យប្រវត្តិ ដោយសារតែទំនាក់ទំនងនៃគ្រួសារនោះទេ ។ វាទទួលបានតែតាមរយៈការគោរពប្រតិបត្តិផ្ទាល់ខ្លួនតាមក្រឹត្យវិន័យអស់កល្បជានិច្ច ដែលអ្នកទទួលទីបន្ទាល់នោះផ្អែកទៅលើតែប៉ុណ្ណោះ ។ …
« ជាញឹកញាប់ ការហៅដ៏ពិសេសនេះត្រូវបានធ្វើឡើងចំពោះកូនប្រុសរបស់យ៉ូសែប និង ម៉ារា ថាជា ‹ ប្អូនប្រុស › របស់ព្រះយេស៊ូវ ។ … ទោះជា ពួកគេត្រូវបានចិញ្ចឹមបីបាច់នៅក្នុងផ្ទះតែមួយ ហើយចេញមកពីឥទ្ធិពល [ ថែរក្សា] ដ៏ទន់ភ្លន់របស់យ៉ូសែប និង ម៉ារា ទោះជាពួកគេបានដឹងពីការបង្រៀន ការបម្រើ និង អព្ភូតហេតុអំពីព្រះយេស៊ូវក្តី តែសាច់ញាតិដ៏ជិតស្និទ្ធរបស់ទ្រង់ពុំបានទទួលស្គាល់ថាទ្រង់គឺជាព្រះមែស៊ីឡើយ » (Doctrinal New Testament Commentary ភាគទី ៣ [ ឆ្នាំ ១៩៦៥–៧៣] ១:៤៣៧ ) ។
សូមពិចារណាលើសំណួរខាងក្រោមនេះ ៖ តើសមាជិកគ្រួសាររបស់ព្រះយេស៊ូវមួយចំនួនពុំជឿលើទ្រង់បានដោយរបៀបណា បើទោះបីជាពួកគេបានដឹងពីការបង្រៀន និង អព្ភូតហេតុរបស់ទ្រង់ហើយនោះ ?
បន្ទាប់ពីកត់សម្គាល់ឃើញថា នៅពេលដែលព្រឹត្តិការណ៍នេះបានកត់ត្រានៅក្នុង យ៉ូហាន ៧ប្អូនប្រុសរបស់ព្រះយេស៊ូវពុំ « ទទួលយកទ្រង់ថាព្រះមែស៊ីឡើយ » នោះអែលឌើរ ប្រ៊ូស អ័រ ម៉ាក់ខនឃី បានពន្យល់ ៖ « ទោះជាយ៉ាងណាក៏ដោយ ពួកគេទាំងអស់គ្នាបានផ្លាស់ប្រែចិត្តជឿនៅពេលក្រោយមក (កិច្ចការ ១:១៤) មានម្នាក់ដែលបានរកឃើញដោយប៉ុល ថាជា ‹ យ៉ូហាន ប្អូនប្រុសរបស់ព្រះអម្ចាស់ › (កាឡាទី ១:១៩) បានបម្រើនៅក្នុងភាពជាសាវកដ៏បរិសុទ្ធ ហើយមានម្នាក់ទៀត យូដាស ដែលហៅខ្លួនគាត់ថា ‹ យូដាស … ជាប្អូនយ៉ាកុប › (យូដាស ១) ដែលបានសរសេរសំបុត្រនៃយូដាស » (Doctrinal New Testament Commentary ១:៤៣៧ ) ។
យ៉ូហាន ៧ កត់ត្រាព្រឹត្តិការណ៍ដែលបានកើតឡើងអំឡុងពេលនៃពិធីបុណ្យបារាំនៅក្នុងទីក្រុងយេរូសាឡិម ( សូមមើល យ៉ូហាន ៧:២) ។ អំឡុងពេលពិធីជប់លៀងនេះ « [ ពួកសាសន៍យូដា ] បានចាត់ទុកថាជាពិធីដ៏រីករាយខ្លាំង និង អស្ចារ្យបំផុត » ( Bible Dictionary « Feasts ») ពួកសាសន៍ យូដាជាច្រើនបានធ្វើដំណើរទៅក្រុងយេរូសាឡិម ដើម្បីរំឭកដល់ពរជ័យរបស់ព្រះដែលប្រទានមកលើកូនចៅនៃសាសន៍អ៊ីស្រាអែល នៅពេលពួកគេធ្វើដំណើរនៅក្នុងទីរហោស្ថាន បន្ទាប់ពីការរំដោះឲ្យរួចពីទាសភាពនៅក្នុងប្រទេសអេស៊ីព្ទ ( សូមមើល លេវីវិន័យ ២៣:៣៩–៤៣) ។ ពួកគេក៏បានប្រារព្ធ ហើយថ្លែងអំណរគុណដល់ការច្រូតកាត់ប្រចាំឆ្នាំនៃផល្លានុផល និង គ្រាប់ធញ្ញជាតិផងដែរ ( សូមមើល និក្ខមនំ ២៣:១៦) ។ ពិធីជប់លៀងនេះមានរយៈពេលប្រាំបីថ្ងៃ ។
សូមកត់ចំណាំថានៅក្នុង យ៉ូហាន ៧:៣–៤ ប្អូនរបស់ព្រះយេស៊ូវចង់ឲ្យទ្រង់ទៅពិធីបុណ្យបារាំនៅក្នុងក្រុងយេរូសាឡិម ដោយនិយាយត្រង់ៗថា ប្រសិនបើទ្រង់ពិតជាព្រះមែស៊ីមែន ទ្រង់គួរតែទៅក្រុងយេរូសាឡិម ហើយប្រកាសប្រាប់ដល់មនុស្សទាំងអស់នៅទីនោះ ។
ដូចបានកត់ត្រានៅក្នុង យ៉ូហាន ៧:៦–១០ព្រះយេស៊ូវបានសម្រេចព្រះទ័យពន្យាការទៅពិធីបុណ្យនោះ ប៉ុន្តែទ្រង់បានលើកទឹកចិត្តប្អូនរបស់ទ្រង់ឲ្យទៅ ។ ប៉ុន្មានថ្ងៃក្រោយមកបន្ទាប់ពីពិធីបុណ្យនោះបានចាប់ផ្តើម នោះទ្រង់បានយាងទៅដោយសម្ងាត់—ដោយដឹងថាអ្នកដឹកនាំសាសន៍យូដាមួយចំនួននៅក្នុងក្រុងយេរូសាឡិមចង់ធ្វើគុតទ្រង់ ប៉ុន្តែថាពេលវេលានៃការសុគតរបស់ទ្រង់ពុំទាន់មកដល់នៅឡើយ ។
សូមអាន យ៉ូហាន ៧:១១-១៣ដោយរកមើលអ្វីដែលប្រជាជននៅក្រុងយេរូសាឡិមកំពុងនិយាយពីព្រះយេស៊ូវ ។
គឺដូចនៅសម័យរបស់ព្រះយេស៊ូវដែរ មនុស្សមានគំនិតផ្សេងៗគ្នាអំពីព្រះយេស៊ូវគ្រីស្ទនៅក្នុងជំនាន់របស់យើងនេះ ។ មនុស្សមួយចំនួនដឹង ហើយថ្លែងទីបន្ទាល់ថាទ្រង់គឺជាព្រះរាជបុត្រានៃព្រះ និងជាព្រះអង្គសង្គ្រោះនៃមនុស្សលោកទាំងអស់ ។ មនុស្សផ្សេងទៀតជឿថាទ្រង់គឺជាគ្រូបង្រៀន ឬ ព្យាការីដ៏អស្ចារ្យ ។ ទោះជាយ៉ាងណាក៏ដោយ មនុស្សមួយចំនួនទៀតបដិសេធភាពជាព្រះរបស់ព្រះយេស៊ូវគ្រីស្ទ និង សេចក្ដីពិតដ៏ពេញលេញនៃការបង្រៀនរបស់ទ្រង់ ឬ ភ័យខ្លាចដើម្បីធ្វើតាមទ្រង់ដោយបើកចំហ ។ នៅពេលអ្នកបន្តសិក្សា យ៉ូហាន ៧សូមរកមើលរបៀបដែលអ្នកអាចដឹងថា ព្រះយេស៊ូវគ្រីស្ទគឺជាព្រះអង្គសង្គ្រោះរបស់អ្នក ហើយថាការបង្រៀនរបស់ទ្រង់គឺជាការពិត ។
យ៉ូហាន ៧:១៤-៣៦
ព្រះយេស៊ូវគ្រីស្ទបង្រៀនសាសន៍យូដានៅឯព្រះវិហារបរិសុទ្ធ
ព្រះវិហារបរិសុទ្ធគឺជាកន្លែងដ៏សំខាន់នៃការប្រារព្ធនានាដែលធ្វើឡើង អំឡុងពេលនៃបុណ្យបារាំ ។ សូមអាន យ៉ូហាន ៧:១៤–១៥ដោយរកមើលអ្វីដែលព្រះយេស៊ូវបានធ្វើនៅទីនោះ ។ សូមគិតពីការគូសចំណាំលើប្រតិកម្មរបស់ប្រជាជននៅក្នុងព្រះគម្ពីររបស់អ្នក ។
ពួកសាសន៍យូដាមានការអស្ចារ្យ ដែលព្រះយេស៊ូវអាចបង្រៀនយ៉ាងក្បោះក្បាយ និង ដោយព្រះប្រាជ្ញាដោយគ្មាន « សំបុត្រ » ឬ ត្រូវបានហ្វឹកហ្វឺនដោយពួកអាចារ្យសាសន៍យូដា ឬ ចូលរៀននៅក្នុងសាលារបស់ពួកគេឡើយ ។ សូមអាន យ៉ូហាន ៧:១៦-១៨ដោយរកមើលអ្វីដែលព្រះយេស៊ូវបានមានបន្ទូលថាមនុស្សអាចធ្វើដើម្បីដឹងថា តើគោលលទ្ធិ ឬ ការបង្រៀនរបស់ទ្រង់នោះពិតឬអត់ ។ សូមគិតពីការគូសចំណាំថានរណាដែលបានផ្តល់គោលលទ្ធិឲ្យព្រះយេស៊ូវបង្រៀន ។
-
សូមឆ្លើយសំណួរខាងក្រោមនេះ ដាក់នៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ៖
-
តើមនុស្សម្នាក់អាចដឹងថា គោលលទ្ធិរបស់ព្រះយេស៊ូវគ្រីស្ទពិតជាមកពីព្រះមែនដោយរបៀបណា ?
-
ចេញពីការបង្រៀនរបស់ព្រះអម្ចាស់នៅក្នុងព្រះវិហារបរិសុទ្ធ នោះយើងរៀនថា ប្រសិនបើយើងធ្វើតាមព្រះឆន្ទៈរបស់ព្រះវរបិតាសួគ៌ នោះយើងនឹងទទួលបាននូវទីបន្ទាល់នៃគោលលទ្ធិរបស់ទ្រង់ ។ សូមពន្យល់ពីមូលហេតុដែលអ្នកគិតថា គោលការណ៍ នេះ ពិត ។
-
ប្រធាន ជែមស៍ អ៊ី ហ្វោស្ត ក្នុងគណៈប្រធានទីមួយបានមានប្រសាសន៍ ៖ « យើងទទួលបានទីបន្ទាល់មួយនៃគោលការណ៍នៃដំណឹងល្អ តាមរយៈការព្យាយាមរស់នៅតាមវាដោយគោរពប្រតិបត្តិ ។ ព្រះអង្គសង្គ្រោះបានមានបន្ទូលថា ‹ បើអ្នកណាចង់ធ្វើតាមព្រះហឫទ័យរបស់ទ្រង់ នោះនឹងបានដឹងពីសេចក្ដីបង្រៀននេះ › [យ៉ូហាន ៧:១៧] ។ ទីបន្ទាល់មួយអំពីការអធិស្ឋានដ៏មានប្រសិទ្ធភាពកើតឡើងតាមរយៈការអធិស្ឋានដោយបន្ទាបខ្លួន និង ដោយចិត្តស្មោះសរ ។ ទីបន្ទាល់អំពីដង្វាយមួយភាគក្នុងដប់កើតមកពីការបង់ដង្វាយមួយភាគក្នុងដប់ » (« Lord, I Believe; Help Thou Mine Unbelief » Ensign ឬ Liahona ខែ វិច្ឆិកា ឆ្នាំ ២០០៣ ទំព័រ ២២ ) ។
តើប្រធានហ្វោស្តបានបង្រៀនថា យើងត្រូវធ្វើអ្វីខ្លះដើម្បីទទួលបានទីបន្ទាល់មួយអំពីគោលការណ៍នៃដំណឹងល្អ ?
សូមចាំថាប្អូនប្រុសរបស់ព្រះយេស៊ូវមួយចំនួនពុំជឿលើទ្រង់ថាទ្រង់គឺជាព្រះមែស៊ីដែលបានសន្យានោះទេ ប៉ុន្តែក្រោយមកពួកគេបានទទួលទីបន្ទាល់ ហើយបានប្រែចិត្តជឿ ។ តើគោលការណ៍ខាងលើនេះអាចជួយសមាជិកគ្រួសារទាំងនោះឲ្យទទួលបានទីបន្ទាល់របស់ព្រះយេស៊ូវគ្រីស្ទ និង ការបង្រៀនរបស់ទ្រង់ដោយរបៀបណា ?
បន្ទាប់ពីដកស្រង់ យ៉ូហាន ៧:១៧ស៊ីស្ទើរ បូនី អិល អូស្ការសុន ដែលជាប្រធានយុវនារីទូទៅបានបង្រៀន ៖ « ពេលខ្លះពួកយើងព្យាយាមធ្វើវាបញ្ច្រាសមកវិញ ។ ឧទាហរណ៍ យើងអាចនឹងធ្វើតាមរបៀបនេះ ៖ ខ្ញុំនឹងសប្បាយដើម្បីរស់នៅតាមច្បាប់ដង្វាយមួយភាគក្នុងដប់ ប៉ុន្តែដំបូងខ្ញុំចាំបាច់ត្រូវដឹងថាវាពិតសិន ។ យើងប្រហែលជានឹងអធិស្ឋានដើម្បីទទួលបានទីបន្ទាល់មួយអំពីច្បាប់ដង្វាយមួយភាគក្នុងដប់ ហើយសង្ឃឹមថា ព្រះអម្ចាស់នឹងប្រទានពរយើងឲ្យមានទីបន្ទាល់នោះ មុនពេលយើងបានសរសេរនៅលើក្រដាសដង្វាយ ។ វាពុំកើតឡើងតាមវិធីនោះទេ ។ ព្រះអម្ចាស់រំពឹងឲ្យយើងអនុវត្តសេចក្ដីជំនឿ ។ យើងត្រូវថ្វាយដង្វាយមួយភាគដប់ពេញលេញ និងដោយស្មោះឲ្យខ្ជាប់ខ្ជួន ដើម្បីទទួលបានទីបន្ទាល់ដង្វាយមួយភាគក្នុងដប់ ។ គំរូដូចគ្នានេះ អនុវត្តគ្រប់គោលការណ៍នៃដំណឹងល្អ មិនថាជាច្បាប់ព្រហ្មចារីភាព គោលការណ៍នៃភាពរមទម្យ ពាក្យសម្ដីនៃប្រាជ្ញាវាងវៃ ឬច្បាប់តមអាហារនោះទេ » (« Be Ye Converted » Ensign ឬ Liahona ខែ វិច្ឆិកា ឆ្នាំ ២០១៣ ទំព័រ ៧៧ ) ។
សម្រាប់កិច្ចការមួយ ឬ កិច្ចការទាំងពីរនៃកិច្ចការបន្ទាប់ទៀត ប្រសិនបើអ្វីដែលអ្នកមានអារម្មណ៍បំផុសគំនិតឲ្យសរសេរនោះវាផ្ទាល់ខ្លួនពេក នោះអ្នកអាចសរសេរចម្លើយរបស់អ្នកនៅក្នុងកំណត់ហេតុផ្ទាល់ខ្លួនរបស់អ្នក ឬ នៅលើក្រដាសមួយសន្លឹកផ្សេងទៀត ហើយសរសេរនៅក្នុងសៀវភៅកំណត់ហេតុសិក្សាព្រះគម្ពីររបស់អ្នកថាអ្នកបានបញ្ចប់កិច្ចការនេះ ។
-
សូមបំពេញសេចក្តីថ្លែងការណ៍ដូចតទៅនេះនៅក្នុងសៀវភៅកំណត់ហេតុសិក្សាព្រះគម្ពីររបស់អ្នក ដោយការសរសេរអំពីព្រះបញ្ញត្តិ ឬ គោលការណ៍នៃដំណឹងល្អ ដែលអ្នកបានដឹងថាវាពិតតាមរយៈកិច្ចខិតខំរស់នៅតាមវា ៖ ខ្ញុំដឹង គឺជាការពិត ដោយសារនៅពេលខ្ញុំបានរស់នៅតាមវា នោះខ្ញុំ . សូមគិតពីការចែកចាយអ្វីដែលអ្នកបានសរសេរជាមួយនរណាម្នាក់ដែលអ្នកគិតថាអាចរីកចម្រើន តាមរយៈការស្តាប់ទីបន្ទាល់របស់អ្នក ។
-
នៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក សូមសរសេរសេចក្តីពិតនៃដំណឹងល្អ ព្រះបញ្ញត្តិ ឬ ការបង្រៀនដែលអ្នកចង់ទទួលបាននូវទីបន្ទាល់អំពីវាកាន់តែខ្លាំងឡើយ ។ បន្ទាប់មកសូមសរសេរអ្វីដែលអ្នកនឹងធ្វើដើម្បីទទួលបាននូវទីបន្ទាល់កាន់តែខ្លាំងឡើងអំពីសេចក្តីពិត ព្រះបញ្ញត្តិ ឬ ការបង្រៀននោះ តាមរយៈការអនុវត្តគោលការណ៍ដែលអ្នកបានរៀននៅក្នុង យ៉ូហាន ៧:១៧។
យ៉ូហាន ៧:១៩–៣៦ ពន្យល់ថាព្រះយេស៊ូវបានស្តីបន្ទោសអ្នកដឹកនាំសាសន៍យូដា ចំពោះការបដិសេធសេចក្តីបង្រៀន និង អព្ភូតហេតុរបស់ទ្រង់ ព្រមទាំងព្យាយាមចង់ធ្វើគុតទ្រង់ ។ ខគម្ពីរទាំងនេះក៏បានប្រាប់ថាមនុស្សជាច្រើនបានឆ្ងល់ថា តើទ្រង់គឺជាព្រះមែស៊ីឬ ហើយថាពួកសង្គ្រាជ និង ពួកផារិស៊ីបានបញ្ជូនពួកអាជ្ញាឲ្យទៅចាប់ទ្រង់ ។
យ៉ូហាន ៧:៣៧-៥៣
ព្រះយេស៊ូវគ្រីស្ទបង្រៀនអំពីអំណោយទាននៃព្រះវិញ្ញាណបរិសុទ្ធ
សូមគិតពីគ្រាមួយ នៅពេលអ្នកស្រេកទឹក ។ សូមគិតថាអ្នកបានកាន់ពែងទទេដែលគ្មានទឹកនៅក្នុងដៃ ។ តើពែងទទេគ្មានទឹកនោះអាចបំបាត់ការស្រេកទឹករបស់អ្នកបានទេ ? តើអ្នកត្រូវការអ្វីទៀត ?
សូមចំណាយពេលមួយស្របក់ ហើយផឹកទឹក ។ នៅពេលអ្នកផឹក សូមគិតថាទឹកនោះវាចាំបាច់ខ្លាំងប៉ុណ្ណានៅក្នុងជីវិតអ្នក ។ អ្នកអាចអធិស្ឋានថ្លែងអំណរគុណចំពោះព្រះវរបិតាសួគ៌សម្រាប់ការប្រទានទឹកដល់អ្នក និង គ្រួសារអ្នក ។
ទឹកដីអ៊ីស្រាអែលគ្មានប្រព័ន្ធទឹកសាបផ្គត់ផ្គង់ទូលំទូលាយ ដើម្បីបំពេញតម្រូវការរបស់ប្រជាជនឡើយ ។ មនុស្សអាចរស់នៅបានតាមរយៈតំណក់ភ្លៀងស្រោចស្រពយ៉ាងច្រើនដែលក្លាយជាប្រភពទឹករបស់ពួកគេ ។ អែលឌើរ ប្រ៊ូស អ័រ ម៉ាក់ខនឃី បានពន្យល់ពីរបៀបដែលទឹកគឺជាផ្នែកមួយនៃ « ឱកាសដ៏ឱឡារិក និង រំភើបក្រៃលែងនៃការថ្វាយបង្គំរបស់សាសន៍យូដា » អំឡុងពេលនៃពិធីនោះដែលនៅតែបន្តមាន ៖
« នៅថ្ងៃនិមួយៗនៃថ្ងៃទាំងប្រាំបីនៃបុណ្យបារាំ …វាគឺជាប្រពៃណី ដ្បិតផ្នែកមួយនៃការថ្វាយបង្គំនៅព្រះវិហារបរិសុទ្ធនោះសង្ឃ យកទឹកដាក់ក្នុងថូមាស [ ថូ ] ចេញពីស្ទឹងស៊ីឡោម ដែលហូរនៅក្រោមប្រភពទឹកនៃព្រះវិហារបរិសុទ្ធ ហើយចាក់វានៅលើអាសនា ។ ក្រោយមកគេច្រៀងតាមពាក្យរបស់អេសាយ ៖ ‹ អ្នករាល់គ្នានឹងដងទឹកពីអណ្តូងនៃសេចក្តីសង្គ្រោះដោយអំណរ › ។ (អេសាយ ១២:៣) ។ ហើយវាចំពេលនោះតែម្តងនៃកម្តៅសាសនា ដែលព្រះយេស៊ូវបានឈានចេញទៅ ហើយប្រទាននូវចរន្តទឹក [ ភេសជ្ជៈ ] នៃអាហាររស់ ដែលបំពេញនូវការស្រេកឃ្លានខាងវិញ្ញាណយ៉ាងខ្លាំងនៃព្រលឹង » (Doctrinal New Testament Commentary ១:៤៤៦ ) ។
សូមអាន យ៉ូហាន ៧:៣៧-៣៩ដោយរកមើលអ្វីដែលព្រះអង្គសង្គ្រោះបានប្រទានដល់មនុស្សទាំងនោះ ។
ការបកប្រែដោយយ៉ូសែប ស្ម៊ីធនៃ យ៉ូហាន ៧:៣៩ ថ្លែងថា « ព្រះវិញ្ញាណបរិសុទ្ធគឺ ត្រូវបានសន្យាមកដល់ពួកគេដែលជឿ ហើយក្រោយមក ព្រះយេស៊ូវត្រូវបានតម្កើងឡើង » ( ការបកប្រែដោយយ៉ូសែប ស្ម៊ីធ យ៉ូហាន ៧:៣៩ [ នៅក្នុង យ៉ូហាន ៧:៣៩ លេខយោងខ] អក្សរទ្រេតត្រូវបានបន្ថែម ) ។
ឃ្លា « ហូរចេញពីពោះខ្លួនមក » (យ៉ូហាន ៧:៣៨) បង្ហាញថា ទឹករស់នឹងមាននៅក្នុងខ្លួន ហើយចេញពីអ្នកជឿ ជាជាងចេញមកពីប្រភពខាងក្រៅ ។ សូមគិតពីការគូសចំណាំនៅក្នុង យ៉ូហាន ៧:៣៩ ពីអ្វីដែលតំណាងឲ្យទឹករស់ ។
Bible Dictionary ពន្យល់ថា « ដោយហេតុផលមួយចំនួនពុំត្រូវបានពន្យល់ពេញលេញនៅក្នុងព្រះគម្ពីរ នោះព្រះវិញ្ញាណបរិសុទ្ធពុំដំណើរការពេញទាំងស្រុងនៅក្នុងចំណោមពួកសាសន៍យូដាឡើយ អំឡុងឆ្នាំនៃការបម្រើនៃជីវិតរមែងស្លាប់របស់ព្រះយេស៊ូវ (យ៉ូហាន ៧:៣៩, ១៦:៧) ។ សេចក្តីថ្លែងការណ៍ទៅនឹងលទ្ធផលដែលថាព្រះវិញ្ញាណបរិសុទ្ធពុំយាងមករហូតទាល់តែ បន្ទាប់ពីព្រះយេស៊ូវបានមានព្រះជន្មរស់ឡើងវិញនោះ គឺគ្រាន់តែសំដៅលើសម័យកាន់កាប់ត្រួតត្រានោះតែប៉ុណ្ណោះ ដ្បិតវាបញ្ជាក់យ៉ាងច្បាស់ថា ព្រះវិញ្ញាណបរិសុទ្ធបានមានដំណើរការតាំងតែពីសម័យកាន់កាប់ត្រួតត្រាពីមុនៗមកម្ល៉េះ ។ លើសពីនេះទៀត វាគ្រាន់តែថ្លែងថា អំណោយទាន នៃព្រះវិញ្ញាណបរិសុទ្ធគ្មានវត្តមានឡើយ ប៉ុន្តែ ព្រះចេស្តា នៃព្រះវិញ្ញាណបរិសុទ្ធមានដំណើរការអំឡុងពេលនៃការបម្រើរបស់យ៉ូហាន បាទីស្ទ និង ព្រះយេស៊ូវ បើមិនដូច្នោះទេ គ្មាននរណាម្នាក់អាចទទួលទីបន្ទាល់នៃសេចក្តីពិតដែលបុរសទាំងនេះបានបង្រៀនឡើយ (ម៉ាថាយ ១៦:១៦–១៧សូមមើលផងដែរ កូរិនថូសទី ១ ១២:៣) » ( Bible Dictionary « Holy Ghost ») ។
យោងតាមការបង្រៀនរបស់ព្រះអង្គសង្គ្រោះនៅក្នុង យ៉ូហាន ៧:៣៧–៣៩យើងរៀនថា ប្រសិនបើយើងមករកព្រះយេស៊ូវគ្រីស្ទ ហើយជឿលើទ្រង់ នោះយើងនឹងពោរពេញដោយព្រះវិញ្ញាណ ។ អស់អ្នកដែលពោរពេញដោយព្រះវិញ្ញាណអាចមានឥទ្ធិពលលើមនុស្សដទៃ ឲ្យធ្វើការណ៍ល្អ ។
-
នៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក សូមពិពណ៌នាពីគ្រាមួយ នៅពេលអ្នកត្រូវបានរងឥទ្ធិពល ( ពោរពេញ ) ដោយព្រះវិញ្ញាណបរិសុទ្ធ ហើយជាលទ្ធផល អាចមានឥទ្ធិពលលើមនុស្សដទៃទៀតឲ្យធ្វើការណ៍ល្អ ។
នៅក្នុង យ៉ូហាន ៧:៤០-៥៣ យើងអានថាពួកផារិស៊ីមានបំណងចាប់ព្រះកាយព្រះយេស៊ូវម្តងទៀត ។ ពួកអាជ្ញាដែលគេបានបញ្ជូនឲ្យមកចាប់ទ្រង់បានឮព្រះយេស៊ូវបង្រៀន ។ ពួកគេបានត្រឡប់ទៅវិញដោយពុំចាប់ទ្រង់ឡើយ ហើយបានប្រាប់ពួកផារិស៊ីថា ពួកគេពុំធ្លាប់ឮនរណាម្នាក់បង្រៀនដូចជាព្រះអង្គសង្គ្រោះបានបង្រៀនឡើយ ហើយការណ៍នោះធ្វើឲ្យពួកផារិស៊ីខឹង ។ នីកូដេម ជាពួកផារិស៊ីដែលបានមករកព្រះយេស៊ូវទាំងយប់ ( សូមមើល យ៉ូហាន ៣:១–២) បានរំឭកពួកផារិស៊ី និង សង្គ្រាជថា ក្រឹត្យវិន័យផ្ទាល់ខ្លួនរបស់ពួកគេ មិនអនុញ្ញាតឲ្យបុគ្គលណាម្នាក់ត្រូវបានកាត់ទោសឡើយ ទាល់តែបុគ្គលនោះត្រូវបានផ្តល់ឱកាសឲ្យនិយាយសិន ។
-
សូមសរសេរឃ្លាខាងក្រោមនេះ ពីខាងក្រោមកិច្ចការថ្ងៃនេះនៅក្នុងសៀវភៅកំណត់ហេតុការសិក្សាព្រះគម្ពីររបស់អ្នក ៖
ខ្ញុំបានសិក្សា យ៉ូហាន ៧ ហើយបានបញ្ចប់មេរៀននេះនៅ ( កាលបរិច្ឆេទ ) ។
សំណួរ គំនិត និង ការយល់ដឹងបន្ថែមដែលខ្ញុំចង់ចែកចាយជាមួយគ្រូរបស់ខ្ញុំ ៖