Chitsauko 18: Aruma Mudiki Anotendeuka

Mufananidzo

Aruma achigadza vamwe

Mambo Mosaya vakaita kuti Aruma ave mutungamiri weChechi muZarahemura. Aruma zvino akasarudza vamwe varume kuti vamubatsire kudzidzisa maNifai.

Mosaya 25:19; Mosaya 26:8

Mufananidzo

vatendi vachitambudzwa

Aruma naMambo Mosaya vainetsekana nekuda kwekuti avo vakanga vasingatende vaitambudza nhengo dzeChechi nekuda kwezvitendero zvavo.

Mosaya 27:1

Mufananidzo

Aruma Mudiki

Aruma aive nemwanakomana ainzi Aruma. Aruma Mudiki akanga asingatende mudzidziso dzababa vake uye akave murume akaipa.

Mosaya 27:8

Mufananidzo

Aruma Mudiki nevanakomana vaMambo Mosaya

Aruma Mudiki nevanakomana vana vaMambo Mosaya vakarwisana neChechi. Vakanyengetedza vanhu vakawanda kuti vabude muChechi uye vave vakaipa.

Mosaya 27:8

Mufananidzo

Aruma achinamata

Aruma akanamata kuti mwanakomana wake aizodzidza chokwadi uye agotendeuka.

Mosaya 27:14

Mufananidzo

Aruma Mudiki nevanakomana vaMambo Mosaya

Aruma Mudiki nevanakomana vaMambo Mosaya vakaramba vachiedza kuparadza Chechi.

Mosaya 27:10

Mufananidzo

ngirozi ichizviratidza kuvarume

Rimwe zuva ngirozi yakazviratidza kwavari. Yakataura nezwi raiva pamusoro iro rakakonzera kuti pasi pazunguzike.

Mosaya 27:11

Mufananidzo

vakomana vechidiki vachivhunduswa nengirozi

Vakomana vechidiki vashanu vakavhunduka zvikuru zvokuti vakapunzikira pasi. Pakutanga vakatadza kunzwisisa izvo zvaitaurwa nengirozi.

Mosaya 27:12

Mufananidzo

ngirozi ichitaura kunaAruma Mudiki

Ngirozi yainge yauya mumhinduro kuminamato yenhengo dzeChechi. Ngirozi yakabvunza Aruma Mudiki kuti sei akanga achirwisana neChechi.

Mosaya 27:13-14

Mufananidzo

Aruma Mudiki

Pasi pakazunguzika apo ngirozi payakataurira Aruma Mudiki kuti arege kuedza kuparadza Chechi .

Mosaya 27:15-16

Mufananidzo

vakomana vachipunzika pasi

Aruma Mudiki nevanakomana vaMosaya vakawira pasi zvekare. Vakanga vaona ngirozi, uye vakaziva kuti simba raMwari rakanga razungunusa pasi.

Mosaya 27:18

Mufananidzo

Aruma Mudiki ari pasi

Aruma Mudiki akashamiswa zvikuru zvokuti akatadza kutaura. Akapera simba , zvekuti akatadza kusimudza kana maoko ake.

Mosaya 27:19

Mufananidzo

Aruma Mudiki achitakurwa

Vanakomana vaMosaya vakatakura Aruma Mudiki ndokuenda naye kuna baba vake uye vakavaudza zvose zvakanga zvaitika kwavari.

Mosaya 27:19-20

Mufananidzo

Aruma achinamata

Aruma akafara. Akaziva kuti Mwari vakanga vapindura minamato yake.

Mosaya 27:20

Mufananidzo

Aruma Mudiki ari pamubhedha

Aruma akadaidza vanhu vazhinji pamwechete kuti vaone zvakanga zvaitwa naIshe kumwanakomana wake nekuvanakomana vaMosaya.

Mosaya 27:21

Mufananidzo

Aruma achiropafadza mwanakomana wake

Aruma, pamwechete nevamwe vatungamiri veChechi vakatsanya nokunamata uye vakakumbira Mwari kuti vabatsire Aruma Mudiki ave akasimba zvakare.

Mosaya 27:22

Mufananidzo

Aruma Mudiki achitaura nababa vake

Mushure memazuva maviri neusiku huviri, Aruma Mudiki akanga avakukwanisa kutaura nekufamba.

Mosaya 27:23

Mufananidzo

Aruma Mudiki achitaura nevamwe

Akataurira vanhu kuti akanga atendeuka kuzvivi zvake, uye Mwari vakanga vamuregerera.

Mosaya 27:24

Mufananidzo

Aruma Mudiki achidzidzisa

Akadzidzisa kuti munhu wose anofanira kuva akarurama kuti apinde muumambo hwaMwari. Akataurawo nezvekurwadziwa kukuru kwaakanga aita nekuda kwezvivi zvake.

Mosaya 27:25-26,29

Mufananidzo

Aruma Mudiki

Aruma Mudiki akafara nekuti akanga atendeuka uye Mwari vakanga vamuregerera. Aiziva kuti Mwari vaimuda.

Mosaya 27:28

Mufananidzo

varume vachidzidzisa

Aruma Mudiki nevanakomana vaMambo Mosaya vakatanga kudzidzisa chokwadi munyika yose, vachitaurira munhu wose zvavakanga vaona nekunzwa.

Mosaya 27:32

Mufananidzo

Aruma Mudiki achidzidzisa vanhu

Vakaedza kugadzirisa zvakaipa zvavakanga vaita. Vakatsanangura magwaro matsvene kuvanhu uye vakavadzidzisa pamusoro paJesu Kristu.

Mosaya 27:35

Mufananidzo

Aruma Mudiki achibhabhatidza vamwe

Mwari vakakomborera Aruma Mudiki nevanakomana vaMosaya apo pavaidzidzisa vhangeri. Vanhu vazhinji vakavateerera uye vakatenda.

Mosaya 27:36