Chitsauko 2
Rihai Anoyambira Vanhu
Vanhu vazhinji vaigara muJerusarema makore mazana matanhatu Kristu asati azvarwa vakanga vakaipa. Mwari vakatumira vaporofita kuti vavataurire kuti vatendeuke, asi havana kumboteerera.
Rihai aiva muporofita. Akanamata kuti vanhu vatendeuke. Apo paakanga achinamata, murazvu wemoto wakavapo. Mwari vakataurira uye vakaratidza Rihai zvinhu zvakawanda.
Rihai akadzokera kumba uye akave nechiratidzo. Akaona Mwari vakakomberedzwa nengirozi zhinji. Ngirozi dzaiimba uye dzichirumbidza Mwari.
Muchiratidzo chake Rihai akapihwa bhuku raitaura izvo zvaizoitika mune ramangwana. Akaverenga kuti Jerusarema raizoparadzwa nokuti vanhu vakanga vakaipa.
Rihai akataurira vanhu kuti Jerusarema raizoparadzwa. Akataurawo nezve kuuya kwaJesu. Vanhu vakashatirwa uye vakaedza kuuraya Rihai, asi Ishe vakamudzivirira.