Chitsauko 19
Vanakomana vaMambo Mosaya Vanova Vashumiri
Mosaya aive nevanakomana vana: Amoni, Aroni, Omuna, naHimunai. Vaive naAruma Mudiki apo ngirozi payakazviratidza kwaari.
Vanakomana vaMosaya vakanga vatendeuka kuzvivi zvavo uye vakanga vaine urombo nematambudziko avakanga vakonzera. Vaiziwa kuti vhangeri raive rechokwadi, uye vaida kuridzidzisa kune vamwe.
Mumwe nemumwe wevanakomana vaMosaya akaramba kuva mambo. Pachinzvimbo pazvo, vaida kuve vashumiri kumaRamani uye kuti vagoverane navo makomborero evhangeri.
Mambo Mosaya akanamata kuti azive kana aifanira kurega vanakomana vake vachienda. Mwari vakamutaurira kuti avarege vachienda, uye kuti vaizodzivirirwa. MaRamani mazhinji vaizotenda shoko ravo.
Vanakomana vaMosaya vakaenda kunodzidzisa maRamani. Vakatsanya nekunamata kuti vaizove vashumiri vakanaka.